АН-ын төлөөлөл, тус намын лидерүүд болон УИХ дахь АН-ын бүлгийн зарим гишүүд өчигдөр уулзаж АН-ын цаашдын нөхцөл байлыг талаар хэлэлцлээ.
Харин уулзалтад АН-ын хуучин лидерүүдээс З.Энхболдыг, УИХ-ын гишүүдээс Ц.Туваан, О.Цогтгэрэл, И.Ганибал нарыг оролцуулаагүй байна. Учир нь тус намын эерэг байдалд муугаар нөлөөлдөг гэж үзэн эрх бүхий АН—ын гишүүдийг уриагүй байна. Уулзалтад оролцсон гишүүдийн ихэнх нь С.Эрдэнэ, Х.Баттулга нарыг АН-ыг өнөөгийн зөрчилд хүргэсэн гэж үзэн намын удирдлагаас буулгах саналтай байгаа гэдгээ илэрхийллээ.
Тухайлбал АН-ын лидерүүдээс Ц.Элбэгдорж, Д.Сосорбарам, Баабар, С.Баярцогт, Да.Ганболд байсан бол Н.Алтанхуягийг төлөөлж н.Ариунсан, УИХ дахь АН-ын бүлгийн гишүүдээс С.Одонтуяа, Д.Бат-Эрдэнэ, Д.Ганбат, Б.Пүрэвдорж нар оролцсон байна. Харин АН-аас М.Тулгат, Ч.Өнөрбаяр, Д.Оюундарь, Ч.Отгочулуу, А.Цэрэнбат нарын хүмүүс оролцсон бол Х.Баттулгын талаас Ө.Шижир, И.Мөнхжаргал нарын залуус оролцжээ.
Энэ уулзалт нь тэдний эхний уулзалт бөгөөд цаашид ч уулзалтаа үргэлжлүүлнэ гэлээ.
Г.Бүжинлхам