Ардчилсан намаас 2023 оны улсын төсвийг УИХ-д өргөн барихтай холбоотой асуудлаар мэдээлэл хийлээ.
Энэ үеэр АН Сүүдрийн парламентийн зарчимаар ажиллахаар удирлагын багаа бүрдүүлсэн гэдгээ мэдээллээ. Үндэсний Бодлогын хорооны дэд даргаар Монгол Улысн Ерөнхий сайд асан Ч.Сайханбилэг , Д.Эрдэнэсувд нарыг сонгожээ. Мөн байнгын хорооны 11 чиг үүргийн хүрээнд бодлогын хороог ажиллуулахаар дарга нар томилогджээ.
Тодруулбал:
- Хүнс, хөдөө аж ахуйн бодлогын хороон даргаар М.Хүрэлсүх
- Төсвийн бодлогын хороон даргаар Ц.Алтанцэцэг
- Байгуулалтын бодлогын хороон даргаар А.Хүрэлшагай
- Нийгмийн бодлогын хороон даргаар Д.Золжаргал
- Эдийн засгийн бодлогын хороон даргаар Г.Энхболд
- Ёс зүй, сахилга хариуцлагын бодлогын хороон дарга Д.Ганбаяр
- Аюулгүй байдал, гадаад бодлогын хороон дарга Б.Баттулга
- Боловсрол соёл, шинжлэх ухаан, спортын бодлогын хороон дарга Д.Энхтуяа
- Инноваци, цахим бодлогын хороон даргаар Д.Алтангэрэл
- Үйлдвэрчдийн бодлогын хороон даргаар Б.Лхагвасүрэн
- Хууль зүйн бодлогын хорооны даргаар Ж.Сугарсүрэн нар сонгогджээ.
Мөн Ардчилсан нам 2022 оны намрын ээлжит хуралдаанаа аравдугаар сард зохион байгуулахаар ажиллаж байна. Үүнтэй уялдуулан сүүдрийн парламент, УИХ-аар хэлэлцэх асуудлын хүрээнд үйл ажиллагааныхаа төлөвлөгөөг хийж хуралдаанаа эхлүүлэхээр бэлтгэл ажлаа хангаж байна гэж мэдээллээ.
Г.Бүжинлхам
