Америкийн орон гэргүй хүмүүсийг хамгаалах байранд хандивын эд зүйлсийг ангилж байх үеэр өвөрмөц үнэтэй пүүз олжээ.
Портландын буяны сангийн ажилчдын нэг хандивын эд зүйлсийг цэгцэлж байхдаа цайвар алтан хүрээ бүхий Nike пүүзтэй таарчээ. Энэ пүүз нь "Air Jordan 3" байсан бөгөөд өвөрмөц гутал нь найруулагч Спайк Ли-д зориулагдсан байв. Энэ хос пүүзний үнэ ойролцоогоор 20 гаруй мянган ам доллар буюу 68 сая гаруй төгрөгийн үнэтэй эд ажээ.
Энэхүү пүүзийг загвар зохион бүтээгч Тинкер Хэтфилд 2019 онд Спайк Ли-д зориулж хийсэн бөгөөд дараа нь энэ олдворын жинхэнэ эсэхийг баталжээ. Загвар зохион бүтээгч пүүзний хайрцагт гарын үсгээ зурж, Nike-ийн бараа бүтээгдэхүүнийг тус байгууллагад хандивлав. Алдарт найруулагчийн өвөрмөц пүүз орон гэргүй хүмүүст зориулсан хандивын дунд яг яаж ямар замаар орсон нь тодорхойгүй байв.
Уг пүүзийг дуудлага худалдаагаар зарж, мөнгийг буяны ажилд хандивлахаар шийдсэн гэж NBC мэдээлэв.
Дэлхий дээр огт санаанд оромгүй зүйл ихэвчлэн энгийн мэт санагдах газруудад тохиолддог. Тухайлбал, хавар Москвагийн метроны ажилчид метроны буудлуудын нэгээс манекений толгойг олж илрүүлж байв.
Өнгөрсөн жил Домодедово, Внуково, Шереметьево нисэх онгоцны буудлын зорчигчид Ерөнхийлөгчийн бэлэг болон интимны тоглоом, тэргэнцэр зэрэг бараг 140 мянгаар тоологдох эд зүйлийг мартсан байна. Шереметьево буудалд гэхэд л гимнастикийн цагираг, түрээсийн дугуй, амьтны тор, хоосон чемодан, янз бүрийн хөдөлгөөнт төхөөрөмж зэргээ мартаж орхнисон байв.
Эх сурвалж: Gazeta.ru