Кувейтийн Эмир Наваф аль-Ахмед аль-Жабер аль-Сабах 86 насандаа таалал төгсчээ. Энэ тухай РИА Новости мэдээлэв.
Энэхүү эмгэнэлт мэдээг Кувейтийн төрийн телевизээр Эмирийн тамгын газрын сайд Мохаммед Абдулла аль-Мубарак аль-Сабах дамжуулжээ.
Арваннэгдүгээр сард Эмир эрүүл мэндийн асуудлаас болж эмнэлэгт хэвтсэн гэж тэмдэглэжээ.
Кувейтийн арван зургаа дахь Эмир бөгөөд харин Их Британиас тусгаар тогтносны дараах зургаа дахь Эмир юм. Наваф Аль-Ахмед Аль-Жабер Аль-Сабах 2020 оны есдүгээр сарын 29-ний өдрөөс эхлэн хаан ширээнд сууж байна. Тэрээр Кувейтийн Эмир асан IV Сабахын төрсөн ах, Кувейтийн арав дахь Эмир Ахмед аль-Жабер аль-Сабахын хүү юм.
Үүний дараа тус улсын Засгийн газар шинэ Эмирээ зарлав. Тодруулбал, Кувейтийн засгийн газар угсаа залгамжлах хунтайж Мишаал Аль-Ахмед Аль-Жабер Аль-Сабахыг шинэ эмир болгон зарлалаа.
Мишаал аль-Ахмед аль-Жабер аль-Сабах нь Кувейтийн экс эмир Наваф аль-Ахмед аль-Жабер аль-Сабахын дүү юм.
Эх сурвалж: Лента.ру