Өмнөд Африкт болсон БРИКС-ийн бизнес форумыг БНХАУ-ын дарга Ши Жиньпин мягмар гарагт гэнэт орхиж, өөрийнхөө оронд Худалдааны сайдаа илгээсэн бөгөөд тэрээр АНУ-ын ноёрхлыг буруушаасан илтгэл тавьсан юм.
Хөгжиж буй томоохон эдийн засагтай орнууд оролцож буй БРИКС-ийн дээд хэмжээний уулзалтад оролцохоор даваа гарагт Йоханнесбургт хүрэлцэн ирсэн Ши Жиньпин мягмар гарагийн үдээс хойш Энэтхэг, Бразил, Өмнөд Африкийн удирдагчдын хамт бизнес форумд оролцохоор төлөвлөжээ.
Гэвч Хятадын удирдагч уг арга хэмжээнд оролцоогүй бөгөөд Бээжин энэ талаар албан ёсны тайлбар хийгээгүй байна.
Хятадын Худалдааны сайд Ван Вэнтао АНУ руу чиглэсэн урьдчилан бэлтгэсэн илтгэлийг уншсан бол Ши Жиньпин өмнө нь хийсэн мэдэгдэлдээ дэлхий нийтийг "шинэ хүйтэн дайны ангал руу орохоос" зайлсхийхийг уриалав.
Хятадын дарга АНУ-д шууд хандалгүйгээр "Зарим улс ноёрхлоо хадгалах санаандаа автаж, хөгжиж буй орнуудад хор хөнөөл учруулахын тулд бүх хүчин чармайлтаа гаргаж байна" гэж мэдэгдсэн юм.
“Хятадын эдийн засаг тэсвэр хатуужил, асар их боломж, их эрч хүчтэй. Хятад улсын урт хугацааны өсөлтийг дэмжих үндсэн суурь нь өөрчлөгдөхгүй хэвээр байх болно гэж илтгэлд дурджээ. "Хятадын эдийн засгийн аварга хөлөг онгоц далайн давалгааг гатлан урагшлах болно." тэр илтгэлдээ онцолжээ.
Ши Жиньпин уулзалтыг орхисноор бизнес форумд оролцоогүй БРИКС-ийн цорын ганц удирдагч болов. Олон улсын эрүүгийн шүүхээс баривчлах тушаал гарсны улмаас дээд хэмжээний уулзалтыг өнжсөн ОХУ-ын Ерөнхийлөгч В.Путин хүртэл видео линкээр дамжуулан мэдээлэл хийсэн.
Гэвч үүнээс хэдэн цагийн дараа Ши Жиньпин Өмнөд Африк, Бразил, Энэтхэгийн удирдагчид, ОХУ-ын Гадаад хэргийн сайд Сергей Лавров нартай оройн хүндэтгэлийн зоогт оролцов.
Хятадын ГХЯ-ны хэвлэлийн төлөөлөгч Хуа Чуньин үйл явдлаас хойш хэдэн цагийн дараа "БРИКС-2023"-ын бизнес форумын хаалтын ёслолд Ши Жиньпин үг хэлсэн тухай нийтэлж, төлөөлөгчдийн хамт байгаа гэрэл зургийг нийтэлжээ
Ши Жиньпин энэ онд гадаадад анх удаа олон нийтийн өмнө гарч үг хэлж байгаа нь энэ удаагийнх юм.
Стратегийн болон олон улсын судалгааны төвийн Хятадын эрчим хүчний төслийн судалгааны ажилтан Брайан Харт хэлэхдээ, Ши Жиньпин энэ гол арга хэмжээндбайгаагүй нь маш ер бусын зүйл бөгөөд Хятадын удирдагчид ийм өндөр түвшний арга хэмжээнүүдэд протоколоос хазайх нь ховор гэж хэлэв.
“Ямар нэгэн зүйл Ши-г уулзалтаас гаргахад хүргэсэн бололтой. Энэ нь эрүүл мэндийн асуудал эсвэл түүний анхаарал хандуулах шаардлагатай яаралтай асуудал байж магадгүй гэж тэр хэлэв.
Хятадын алдартай "Sinocism" товхимолын зохиогч Билл Бишоп хэлэхдээ, Ши Жиньпин энэ сард олон нийтийн өмнө удаан хугацаанд харагдахгүй байсан нь хачирхалтай санагдаж байна гэжээ.
Ши Жиньпин бизнес форумд оролцоогүйн учир нь тэрээр түүнээс илүү чухал, улс төрийн чанартай уулзалтуудыг илүүд үзсэн байх гэсэн байр суурьтай байна.
"Ши Жиньпин бизнес, эдийн засгаас илүү улс төрийн асуудал, аюулгүй байдлын асуудалд өндөр ач холбогдол өгдөг нь ойлгомжтой бөгөөд энэ учир шалтгааны улмаас нэг уулзалтыг чухалчилж, нөгөөг түр орхисон байвал энэ нь гайхшруулах зүйл биш гэж Пентагоны албаны ажилтан асан, одоо Сингапур дахь Ли Куан Югийн Төрийн бодлогын сургуулийн ахлах ажилтан Дрю Томпсон хэлэв
Эх сурвалж: ВВС news