ISW: Пригожины онгоцыг унагаах тушаалыг Путин өгсөн байж болзошгүй
Америкийн Дайны Судлалын Хүрээлэн Пригожины онгоцыг унагаах тушаалыг ерөнхийлөгч Путин өгсөн байж болзошгүй гэж бичжээ.
"Оросын армийн төлөөлөгчид, ялангуяа Батлан хамгаалахын сайд Сергей Шойгу, штабын дарга генерал Валерий Герасимов нар Путины тушаалгүйгээр Пригожинд цохилт өгөх магадлал туйлын бага" гэж ISW-ийн ажиглагчид бичжээ. 6-р сарын 23-нд бослого гаргахыг оролдсоны дараа Пригожин зөвхөн Путины ач ивээлд л амьд үлдсэн гэдэгт итгэлтэй байсан байх.
Ирээдүйд энэ бүх үйл явдалтай холбоотой нотлох баримт олдохгүй бол Пригожиныг хөнөөх тушаалыг Путин өгсөн гэсэн таамаглал дээр үндэслэн дүгнэнэ гэж тус хүрээлэн мэдэгдэв.
Яг одоо Пригожиныг хөнөөсөн байж болзошгүй шалтгааны талаарх ISW-ийн үндэслэл нь бусад улс төрийн ажиглагчдын үндэслэлтэй таарч байна гэжээ.
ISW нь үймээн самуун гарснаас хойш яг хоёр сарын дараа Пригожиний онгоцны осол санамсаргүй тохиолдоогүй гэж улс төрийн тоймчидтой санал нэг байна. Тухайн өдрийн өглөө буюу 8-р сарын 23-ны өглөө РИА Новости улсын агентлаг генерал Сергей Суровикиныг Агаар-сансрын хүчний ерөнхий командлагчийн албан тушаалаас огцруулсан тухай мэдээлэл гарсныг тус хүрээлэн сануулжээ.
Энэ нь санамсаргүй тохиолдол биш байх магадлалтай" гэж Америкийн шинжээчид үзэж байна.
АНУ-ын Ерөнхийлөгч Жо Байден: “ОХУ-д түүнээс хамааралгүй зүйл гэж бараг байхгүй шүү дээ”
байр сууриа илэрхийлэхдээ огт гайхаагүй гэдгээ мэдэгджээ. Невада мужийн сэтгүүлч түүнээс “Энэ үйл явдалд Владимир Путинийг буруутай гэж бодож байна уу” хэмээн асуухад “ОХУ-д түүнээс хамааралгүй зүйл гэж бараг байхгүй шүү дээ” гэж хариулсан байна.
Мөн ХБНГУ-ын Гадаад хэргийн сайд Анналена Бурбок хэдэхдээ "Дэлхий нийт Кремлийг хардаж байгаа нь тохиолдлын хэрэг биш" гэжээ.
Пригожины цогцосыг танихад хэцүү байна
Тверь мужид осолдсон онгоцны зорчигчдын цогцос, тэр дундаа бизнесмэн Евгений Пригожины цогцсыг нүдээр таних ажиллагаа боломжгүй юм.
Гэсэн хэдий ч шинжээчид Пригожин онгоцонд байсан гэдгийг шууд бус нотлох баримтаар тогтоож чадсан байна. Илүү нарийвчлалтай өгөгдлийг зөвхөн мэргэжлийн ур чадвараар хангаж чадна.
Мөрдөн байцаалтын нэг хувилбараар бизнесмэн Евгений Пригожин сууж явсан онгоцонд тэсрэх төхөөрөмж байрлуулсан байж болзошгүй гэж мэдэгджээ. Тэсрэх бөмбөг буух төхөөрөмжийн тасалгаанд байрлуулсан байж магадгүй. Урьдчилсан байдлаар нислэгийн үеэр дэлбэрэлт болсон гэж таамаглаж байна. Дэлбэрэлтийн улмаас онгоцны далавч их биеэс салахдаа тогтворжуулагчийг цохисон байх магадлалтай.
Холбооны агаарын тээврийн агентлагийн нийтэлсэн жагсаалтын дагуу зорчигчдын дунд Евгений Пригожин, түүний цэргийн Дмитрий Уткин, түүнчлэн Николай Матусеев, Валерий Чекалов, Александр Тотмин, Евгений Макарян, Сергей Пропустин нар байсан.
Евгений Пригожин гэж хэн байсан бэ?
Евгений Пригожин 1961 онд Ленинград хотод төрсөн. Залуу насандаа тэрээр хэд хэдэн удаа шоронд ял эдэлж байсан. Суллагдсаныхаа дараа бизнес эрхэлж эхэлсэн. Амьдралынхаа туршид тэрээр хэд хэдэн ресторан, "Конкорд" нийтийн хоолны компанийг байгуулсан бөгөөд ёслолын хүлээн авалт, оройн зоогийг дээд түвшинд зохион байгуулдаг гэдгээрээ алдартай.
Пригожин өөрөө хожим хэлсэнчлэн "Wagner" хувийн цэрэгжсэн компанийг 2014 онд Донбасс дахь мөргөлдөөнтэй холбогдуулан байгуулсан. Вагнерын дайчид мөн Сири, Африк, Араб, Латин Америкийн хэд хэдэн оронд зэвсэгт мөргөлдөөнд оролцож байжээ.
Вагнерийн хөлсний цэргүүд Украинд болсон цэргийн тусгай ажиллагаанд оролцов. Тодруулбал, тэд Соледар, Артемовск/Бахмут/ руу довтлоход оролцсон бөгөөд тулаан 225 хоног үргэлжилсэн.
Пригожин, Уткин нарыг орлох "Ихэрүүд"
Вагнер-ийг үүсгэн байгуулагч Пригожин, Вагнерчуудын командлагч Уткин нар хоёулаа "Ихэр" буюу өөрсдийг нь төлөөлөн орлох хүнтэй байжээ. Тэдгээр "ихэр"-үүд нь овог нэрээ албан ёсоор сольж, Евгений Викторович Пригожин, Дмитрий Валерьевич Уткин гэсэн нэрээр паспорт авсан "ихэр"-үүд байсан.
Урьд нь Леонид Красавин гэж нэртэй байсан нэгэн "Ихэр" нь Пригожинтэй ижил төрсөн он сар өдөртэй байжээ. Пригожин хориг арга хэмжээнд байх үед түүнийг Литва руу явуулсан гэж хэвлэлүүд таамаглаж байв. Литвийн Төрийн аюулгүй байдлын газрын дарга Дариус Яунишкис "Эрх чөлөө" радиод өгсөн ярилцлагадаа Европын холбооны хилийн харуулын сул талыг харуулахын тулд Оросын тусгай алба энэ ажиллагааг бэлтгэсэн гэж мэдэгдэж байсан юм.
Дмитрий Уткины нэг "ихэр" Пригожингийн эзэмшдэг "Конкорд" менежмент ба зөвлөх компанийг хэдэн сарын турш удирдаж, дараа нь хуучин нэрээ сэргээжээ. Пригожин нэртэй "Ихэр"-үүд мөн адил байсан ч Тверийн ойролцоох онгоцны сүйрлийн үеэр Вагнер ПМК-ийн удирдагчид "ихэр"-үүдээ ашигласан эсэх нь тодорхойгүй байна.
Үймээн самуун болсон өдөр аюулгүй байдлын албаныхан Пригожины гэрт нэгжлэг хийхдээ хуурамч паспорт, тэр дундаа бусад хүмүүсийн нэр дээр гаргасан боловч Пригожины гэрэл зурагтай хуурамч паспортууд олжээ. Зарим паспортынх нь хувийн мэдээлэл нь бодит хүмүүсийнх байсан. Тодруулбал, Пригожин нэртэй өөр нэгэн СОГАЗ эмнэлгийн төвийн VIP өвчтөн байв.
7-р сард Нью-Йорк Таймс сонинд Пригожин хөдөлгөөнөө нуухын тулд "ихэр" ашигладаг гэсэн Пентагоны хувилбарыг нийтэлсэн юм.
Пригожины бизнес ба "Вагнер" хөлсний цэргийн компанийн санхүүжилт
Щрөнхийлөгч Путин Пригожин засгийн газрын гэрээгээр санхүүжилт авч байсныг бослогын дараа анх удаа баталсан. "Вагнерын бүх бүлгийн зардлыг улсын төсвөөс бүрэн хангасан. Өөрөөр хэлбэл бид энэ бүлгийг бүрэн санхүүжүүлсэн" гэж ерөнхийлөгч хэлсэн. ОХУ-д хуульд заагаагүй бусад зэвсэгт хүчний нэгэн адил хувийн цэргийн компаниудыг хориглодог. Гэсэн хэдий ч хууль эрх зүйн үндэслэлгүй байсан ч Вагнерийг улсаас санхүүжүүлж байжээ.
Орост сайн дурын батальонуудыг өнгөрсөн оны арваннэгдүгээр сард л хуульчилж, зөвхөн БХЯ-ны хяналтад байдаг бүтэц гэж хуульчилсан. Путины хэлснээр, Вагнер,тэдний шархадсан хүмүүс болон амь үрэгдэгсдийн ар гэрийнхэнд 200 тэрбум рублийг төрөөс төлсөн бололтой.
Кремлийг дэмжигч сурталч Дмитрий Киселев "Вагнер засгийн газрын гэрээгээр нэг их наяд шахам рубль авсан гэжээ.
Пригожинийн бүтцийн улсын гэрээний багц илүү өргөн байсан. Тэрээр цэргийн хуаран болон бусад улсын байгууламжуудыг барьж, цэргийн хуарангийн хангамжид оролцдог байв. Түүнчлэн сургуулийн сурагчдын үдийн хоолны хөтөлбөр, Кремлийн хүлээн авалтад оролцогчдын хоол хүнсний хангамжийг нийлүүлдэг байсан юм. Энэ утгаараа тэр "Путины тогооч" гэж нэрлэгдэж байв.
Үймээн гарсан өдөр Пригожины гэрт нэгжлэг хийх үеэр бэлэн мөнгө, янз бүрийн нэртэй фирмийн 600 лац олсон байна. Вагнер PMC-ийг үүсгэн байгуулагч өөрөө "Газель" автомашин болон хоёр автобус бэлэн мөнгө байгаа гэдгээ баталж, Вагнерчуудад үргэлж бэлнээр төлдөг бөгөөд энэ нь "бүх хүнд тохирсон хэлбэр" гэж мэдэгдэж байв.
Үүнийг мэргэжилтнүүд эрх баригчидтай тохиролцсон саарал схемгүйгээр ийм их хэмжээний мөнгийг бэлэн мөнгө болгох боломжгүй гэж тайлбарлаж байв.
Энэ бүхний дараа "Энэ бүх явцад хэн ч юу ч хулгайлаагүй эсвэл бага хулгайлсан байгаасай гэж найдаж байна, гэхдээ мэдээжийн хэрэг, бид үүнийг бүгдийг нь шийдэх болно" гэж Путин анхааруулсан. Харин хуульчид Пригожинд "эдийн засгийн" зүйл ангиар эрүүгийн хэрэг үүсгэнэ гэсэн шууд анхааруулга гэж үзжээ.
Эх сурвалж: ВВСnews.Lenta.ru болон бусад