Орос улс өнгөрсөн долдугаар сард Европын Холбооны орнуудад их хэмжээний хий нийлүүлсэн нь тодорхой болов. Энэ тухай "Ведомости" сонин Хий экспортлогч орнуудын форумын (GECF) сар бүрийн тайлангаас иш татан мэдээлжээ.
Тус сонны мэдээлснээр, 2023 оны долдугаар сард хийн нийлүүлэлтийн хэмжээ 2022 оны наймдугаар сараас хойшхи хамгийн дээд хэмжээнд хүрч, хоёр тэрбум шоо метр давжээ.
“Хэдийгээр оны эхний саруудад хийн нийлүүлэлт тийм ч таатай дүр зурагтай байгаагүй ч ЕХ 2023 оны долдугаар сард дамжуулах хоолойн хийн импортыг зургадугаар сартай харьцуулахад 16 хувиар нэмэгдүүлж, 13.5 тэрбум шоо метрт хүргэсэн" гэж хэвлэлд онцолжээ.
Түүнчлэн үүний зэрэгфээ Оросоос гадна Норвеги, Алжир зэрэг улс ЕХ-нд хийн нийлүүлэлтээ нэмэгдүүлсэн гэж тэмдэглэжээ.
Үүнээс өмнө биржийн арилжааны үеэр Европт хийн биржийн үнэ 1000 шоо метр тутамд 500 ам.доллар давж байжээ.
Нидерландын TTF төв дэх есдүгээр сарын фьючерсийн үнэ 1000 шоо метр тутамд 502 доллар болж нэмэгджээ.
Эх сурвалж:vedomosti.ru