Украины Ерөнхийлөгч Владимир Зеленский өнгөрсөн бямба гарагт Нидерландын Ерөнхий сайд Марк Рюттетэй уулзсаныхаа дараа 42 онгоц шилжүүлэн авахаар тохиролцсоноо мэдэгдлээ.
Украины нисгэгчид, инженерүүдийг сургасны дараа Нидерландын Ерөнхий сайд Украинд 42 ширхэг F-16 онгоц нийлүүлэх талаар тохиролцсоноо Зеленский Telegram сувагтаа дурджээ.
Нидерландын Ерөнхий сайд Марк Рютте өөрөө тодорхой тоо хэлээгүй бөгөөд 42 сөнөөгч онгоцны хэд нь техникийн хувьд бэлэн байгаа нь тодорхойгүй байна.
Түүнчлэн Зеленский Ням гарагт Дани улсад айлчилсан бөгөөд тус улс мөн Украинд F-16 сөнөөгч онгоц нийлүүлэхээ амласан. Дани Украинд хэдэн сөнөөгч онгоц өгөх нь одоогоор тодорхойгүй байна.
Ямартай ч Нидерландын араас Дани улс F-16 онгоцыг Украинд шилжүүлнэ гэж мэдэгдлээ гэж тус улсын Батлан хамгаалах яамны цахим хуудсанд мэдээлжээ.
Эх сурвалж: ВВС