- Дайн эхэлснээс хойш Украин 135 тэрбум ам.долларын хохирол амсав
- Дэд бүтцүүдийн сэргээн засах төсөлд БНСУ 140 тэрбум ам.долларын дэмжлэг үзүүлнэ
- Тус төсөлд Засгийн газраас гадна хувийн компаниуд оролцоно
БНСУ-ын Засгийн газар дайны үеэр сүйдсэн Украины тээвэр, эрчим хүчний дэд бүтцүүдийг сэргээн засварлахад 140 тэрбум ам.долларын дэмжлэг үзүүлнэ гэв.
Ийнхүү дэмжлэг үзүүлэхэд тус улсын Засгийн газраас гадна хувийн компаниуд ч мөн оролцохоо мэдэгджээ. Сэргээн засах төсвийн тал гаруй хувийг Самсунг, Хьюндай, Колон Глобал зэрэг компаниуд гаргана.
Өнгөрсөн оны хоёрдугаар сард ОХУ Украин руу дайрснаас хойш тус улс 134.7 тэрбум ам.долларын хохирол амссан байна. Дэд бүтцүүдээс гадна орон сууц, харилцаа холбооны системийг сэргээн засварлах, мина устгах зэрэгт нийт 400 тэрбум ам.доллар шаардлагатай аж.
Эх сурвалж: The Korea Times