"Өнөөдөр Европын Комисс Украинд үзүүлэх 18 тэрбум еврогийн макро санхүүгийн тусламжийн багцын нэг хэсэг болох 1.5 тэрбум еврогийн дөрөв дэх төлбөрийг хийлээ" гэж ЕХ-ны мэдэгдэлд дурджээ.
Европын комиссын тайлбарласнаар “ЕХ энэ тусламжаар дамжуулан Украинд 2023 онд тогтвортой, яаралтай санхүүжилтийн хэрэгцээгээ нөхөхөд нь туслах зорилготой” гэжээ.
Энэхүү дэмжлэг нь Украинд цалин, тэтгэврээ үргэлжлүүлэн төлөхөөс гадна эмнэлэг, сургууль, дүрвэгсдийн орон сууц гэх мэт төрийн үндсэн үйлчилгээний үйл ажиллагааг хэвийн явуулахад нь тусална" гээд тус тусламж нь дайны явцад сүйрсэн амин чухал дэд бүтцийг сэргээх зорилготой гэж нэмж тодотгов.
Түүнчлэн санхүүгийн тусламжийн дараагийн хэсэг болох 1.5 тэрбум еврог зургадугаар сард шилжүүлнэ гэж ЕХ мэдэгдэв.
Европын комиссын онцолсноор ерөнхийдөө ОХУ-ын Украин дахь цэргийн ажиллагаа эхэлснээс хойш Европын холбоо Киевт 70 тэрбум еврогийн тусламж үзүүлээд байгаа аж. Үүнд: Европын холбооноос Украинд үзүүлэх санхүү, хүмүүнлэгийн яаралтай төсөв, цэргийн тусламж, түүнчлэн дайнаас дүрвэж буй Украинчуудын хэрэгцээг хангахад туслах зорилгоор гишүүн орнууд болон Европын санхүүгийн байгууллагуудаас хуваарилсан эх үүсвэр" гэдгийг ЕХ онцоллоо.
Эх сурвалж: ИТАР ТАСС