"Рок-н-роллын хатан хаан" гэгддэг Америкийн дуучин Тина Тёрнер 83 насандаа өвчний улмаас таалал төгссөнийг түүний төлөөлөгч мэдэгдлээ.
Тэрээр сүүлийн жилүүдэд эрүүл мэндийн асуудалтай байжээ. Тэрээр цус харвалт, хорт хавдар, бөөрний дутагдалтай тэмцэж байлаа.
"Хөгжим, амьдралын хязгааргүй хүсэл тэмүүллээрээ тэрээр дэлхий даяар олон сая шүтэн бишрэгчдийг байлдан дагуулж, ирээдүйн оддод урам зориг өгч байв. Бидэнд томоохон өв болох өөрийн дуу хөгжмийг үлдээсэн эрхэм найзтайгаа салах ёс гүйцэтгэж байна." хэмээн түүний Инстаграмд бичжээ.