Япон улсаас гаралтай зайрмаг дэлхийн хамгийн үнэтэй зайрмагаар нэрлэгджээ.
Cellato гэх компанийн үйлдвэрлэдэг тус зайрмаг ердөө 120 грамм ч 6,696 ам.долларын үнэтэй юм.
Тэгвэл зайрмагийн орц найрлагад юу ордог болохыг тодруулбал, Италийн Альба тосгонд тарьсан малтуу мөөг, Пармижиано Режжиано бяслаг, саке архийг үйлдвэрлэх явцад гарган авдаг жимсний зуурмаг багтдаг ажээ.
Зайрмагийн орц дахь малтуу мөөгийг килограмм тутамд 15,192 ам.доллароор үнэлдэг юм.
Зайрмагийг Япон улсын Осака хот дахь нэгэн алдартай рестораны ахлах тогооч Ямада Тадаёши гэх эрхэм Cellato компанид зориулан бүтээсэн байна.
Зайрмагийн өөр нэгэн онцлог нь Cellato компанийн цахим хуудаснаас худалдан авахад гар хийцийн төмөр халбага дагалддаг юм. Төмөр халбагыг сүм хийд, бунхан барихад ашигладагтай ижил материалаар хийдэг ажээ.
Cellato компаниас зөвлөж байгаагаар зайрмагийг идэхдээ дээр нь цагаан малтуу мөөгний тос хийж, зөөлөртөл нь холих хэрэгтэй гэсэн юм. Зайрмагт муудах хугацаа гэж үгүй ч тэдний зүгээс зайрмагийг худалдан авснаас хойш 10 хоногийн дотор идэхийг зөвлөж байгаа ажээ.
Эх сурвалж: CBS News