Энэтхэг улс 2,000 рупигийн дэвсгэртийг зах зээлээс эргүүлэн татахаар шийдвэрлэсэнтэй холбогдуулан тус улсын ард иргэд 2,000 рупигийн дэвсгэртээ солиулах болжээ.
Энэтхэгийн Төв банкны хувьд 2016 онд 500, 1,000 рупигийн дэвсгэртийг зах зээлээс эргүүлэн татаж, 2,000 рупигийн дэвсгэртийг нэвтрүүлсэн юм. Тийнхүү шийдвэрийн хүрээнд банкнууд энэ оны есдүгээр сарын 30-ы өдрийг дуустал 2,000 рупигийн дэвсгэртийг солин олгох гэнэ.
Үйл явдлын хүрээнд Энэтхэгийн Төв банкнаас мэдэгдсэнээр 2,000 рупигийн дэвсгэртийг зах зээлээс эргүүлэн татаж байгаа ч тус мөнгөн дэвсгэрт нь тодорхой хугацаанд хуулийн хүрээнд хүчин төгөлдөр хэвээр байна гэжээ. Харин банкнууд зарлага гаргахдаа 2,000 рупигийн дэвсгэртийг олгохгүй юм. Улмаар есдүгээр сарын 30-аас хойш Энэтхэгийн төв банк тус мөнгөн дэвсгэртийг зах зээлийн эргэлтээс алгуураар татан гаргах ажээ.
Эх сурвалж: BBC