- ОХУ-ын сайн дурын корпусын (РДК) цэргүүд Орос, Украины хилийг гурав дахь удаагаа давсан гэдгээ мэдэгдээд хийж, шөнийн ажиллагааны талаарх Белгород мужийн нэг тосгоны нэр бүхий тэмдэглэгээний фон бүхий гурван дүрс бичлэг нийтэлжээ. Мөн орон нутгийн эрх баригчид өглөө нь Украины Зэвсэгт хүчний тагнуулын бүлэглэл Белгород мужийн Грайворонскийн дүүргийн нутаг дэвсгэрт нэвтэрсэн, Оросын хил дээр Украины хорлон сүйтгэгчидтэй тулалдаж байна гэж мэдээлэв. .
- Мөн өдрийн орой гэхэд Белгород мужид терроризмын эсрэг ажиллагааны дэглэм нэвтрүүлэв.
- Украины Ерөнхийлөгчийн Тамгын газрын даргын зөвлөх Михаил Подоляк “Оросын Белгород мужид болж буй үйл явдлыг Украин сонирхон ажиглаж, нөхцөл байдлыг судалж байна. Гэхдээ бид энэ болж буй үйл явдалд ямар ч хамааралгүй” хэмээн жиргэжээ.
- "Вагнер"-ийг үүсгэн байгуулагч Евгений Пригожин хэлэхдээ, түүний дайчид Бахмутыг бямба гаригт эзлэн авсан тухай мэдээлснээс хойш тав хоногийн дотор "цэвэрлэж", 6-р сарын 1 гэхэд Оросын Батлан хамгаалах яамны ангиудад хотыг хүлээлгэн өгч явна. "Вагнер"-ийг өөрчлөн зохион байгуулах, дахин зэвсэглэх зорилгоор зорилгоор ар тал руу татна гэдгээ мэдэгджээ.
- Олон улсын атомын энергийн агентлагийн (МАГАТЭ) тэргүүн Рафаэль Мариано Гросси ОХУ-д эзлэгдсэн Запорожье атомын цахилгаан станцын цахилгаан сүлжээ дахин тасарсанд туйлын түгшиж байгаагаа илэрхийлэв. Гроссигийн хэлснээр, энэ нь атомын цахилгаан станцуудын цөмийн аюулгүй байдалд заналхийлж буй урьд өмнө байгаагүй, онц аюултай нөхцөл байдлыг бий болгоход хүргэсэн гэж мэдэгдлээ.
- Финландын төрийн өмчит "Гасум" хийн компани даваа гарагт Оросоос Финландад нийлүүлэх байгалийн хийг хоолойгоор дамжуулан худалдан авах гэрээгээ Газпромтой цуцалж байгаагаа мэдэгдэв. Үүний зэрэгцээ Газпромтой хийсэн шингэрүүлсэн хий нийлүүлэх урт хугацааны гэрээ хүчинтэй хэвээр байна.
Эх сурвалж: ВВС