"Мicrosoft" компанийн үүсгэн байгуулагч Билл Гейтс хиймэл оюун ухааны технологийн хөгжлийн ширүүн өрсөлдөөнд “хиймэл оюун ухаант хувийн туслах”-ыг хөгжүүлж чадсан компаниуд тодорч гарч үлдэнэ хэмээн таамаглажээ.
Орон нутгийн цагаар 22-нд "Goldman Sachs" хөрөнгө оруулалтын банк болон “SV Angel” венчур сан хамтран зохион байгуулсан арга хэмжээн дээр Гейтс хэлэхдээ, "Цаашид технологийн салбарын шилдэг компаниуд нь "хувийн цахим туслах” буюу “хиймэл оюун ухаант хувийн туслах”-ыг хөгжүүлэгч компаниуд байх болно" хэмээн онцлон тэмдэглэсэн байна.
""Хиймэл оюун ухаант хувийн туслах” нь хэрэглэгчдийн зан төлөвийг үндсээр нь өөрчилж чадна. Уг технологийг хэн хөгжүүлэх нь хамгийн чухал асуудал байх болно” хэмээн тэрээр үргэлжлүүлжээ.
Гейтс “хиймэл оюун ухаант туслах”-ыг хөгжүүлснээр Google-ийн хайлтын систем болон цахим худалдааны салбарын дэлхийд тэргүүлэгч сайтууд руу нэвтрэх шаардлагагүй болно хэмээн цохон тэмдэглэсэн байна.
Гэвч “Хиймэл оюун ухаант туслах” практик хэрэглээнд нэвтрэхэд цаг хугацаа нэлээд шаардлагатай. Тэр болтол компаниуд ChatGPT гэх мэт хиймэл оюун ухааны технологийг шинээр хөгжүүлсээр байх нь тодорхой” хэмээн тэрээр дурджээ.
Түүнчлэн хиймэл оюун ухаан нь шинэ эм боловсруулах инновацийг хурдасгаж, эмийн хөгжлийг илүү дэвшилтэт шатанд гаргана хэмээн тэрээр нэмж өгүүлээд Альцгеймерийн өвчнийг эмчлэх аргыг тун удахгүй нээх бөгөөд уг шинэ эмийг 10 жилийн дотор өвчтөн дээр туршиж үзнэ гэдэгт итгэлтэй байна гэв.