Хатан хаан II Елизаветагийн оршуулга болон хэдэн өдөр үргэлжилсэн гашуудлын арга хэмжээ төсөвт ойролцоогоор 162 сая фунт стерлинг буюу 201 сая долларын хохирол учруулсан гэж Их Британийн Сангийн сайдын эдийн засгийн асуудал эрхэлсэн орлогч Жон Глен мэдэгдэв.
II Елизавета 2022 оны 9-р сарын 8-нд 96 насандаа таалал төгсөж, оршуулах ёслол 9-р сарын 19-нд болсон. Үндэсний гашуудал арав хоног үргэлжилсэн бөгөөд энэ үеэр Хатан хааны шариллыг байршуулсан Вестминстерийн ордонд хэдэн зуун мянган хүн тэнд салах ёс гүйцэтгэсэн байна.
“Эрхэм дээд хаан болон хааны гэр бүлийн бусад гишүүдийг дэмжихээр илүү олон хүн ирсэн. Засгийн газрын тэргүүлэх чиглэл бол эдгээр арга хэмжээг хэвийн, зохих түвшинд явуулахыг баталгаажуулах явдал байсан "гэж Глен хэлэхдээ, үүний зэрэгцээ иргэдийн аюулгүй байдлыг хангах шаардлагатай байсныг тэмдэглэв.
Энэ шаардлагын хүрээнд Дотоод хэргийн яам 74 сая фунт стерлинг болон Дижитал, соёл, хэвлэл мэдээлэл, спортын яам 57 сая фунт зарцуулсан нь хамгийн ихэд тооцогдож байна. Түүнчлэн Шотландын засгийн газар 18.8 сая фунт стерлинг, Уэльс, Умард Ирланд тус бүр 2 сая фунт зардлыг төвлөрсөн төсвөөс төлсөн гэж Сангийн яам мэдээлэв.
II Елизавета нас барсны дараа түүний хүү Чарльз III Их Британийн хаан болсон бөгөөд 5-р сарын 6-нд Вестминстерийн сүмд түүний хаан ширээнд залах ёслол болсон юм. Үүнд 3 мянга орчим зочин уригджээ. Ёслолын зардлыг албан ёсоор зарлаагүй ч Euronews-т ярилцлага өгсөн шинжээчдийн үзэж байгаагаар энэ нь 57-113 сая еврогийн хооронд хэлбэлзэж магадгүй юм.
Эх сурвалж: Сentralasiamedia.