Цэргийн сурвалжлагч Юрий Котенокийн мэдээлснээр, 2023 оны дөрөвдүгээр сарын 20-нд ОХУ-ын Ерөнхийлөгч Владимир Путин дайны бүсэд командлаж байсан хэд хэдэн генерал, офицерыг солих зарлиг гаргасан байна.
Өмнө нь, Угледар мужид хүлээсэн үүргээ биелүүлээгүй хэмээн Сирийн тулаанд Оросын зэвсэгт хүчний командлагч байсан хурандаа генерал Рустам Мурадовыг халах зарлиг гаргаж байсан.
Харин энэ удаад Армийн генерал Александр Дворников, Баруун цэргийн тойргийн дарга асан, хурандаа генерал Александр Журавлев болон хэд хэдэн командлагчийг албан тушаалаа орхихыг албадсан гэж цэргийн сурвалжлагч бичжээ.
Туршлагатай генерал, офицерууд халагдсан учраас саяхан албан тушаал хүлээж авсан хурандаа генерал Михаил Теплинскийд Моксва маш өндөр хариуцлага хүлээлгэж байгаа аж.
Олон улсын шинжээчдийн үзэж байгаагаар Угледар дахь халдлагын дараа ОХУ-ын Зэвсэгт хүчин хүн хүч, техник хэрэгслийн хохирол их хэмжээгээр амссан нь Путиныг уурлуулсан байна. Одоогоор Оросын эрх баригчид болон Батлан хамгаалах яамны зүгээс боловсон хүчний өөрчлөлтийн талаар ямар нэгэн тайлбар мэдээлэл хийгээгүй байна.