Монгол Улс 2021 онд Кино урлагийг дэмжих тухай хууль баталж, энэ оноос хэрэгжиж эхэлсэн билээ. Уг хууль батлагдсанаар Кино урлагийн үндэсний зөвлөлийг байгуулсан бөгөөд Үндэсний зөвлөл нь дарга, орон тооны бус 10 гишүүний бүрэлдэхүүнтэй ажиллахаар болсон юм. Кино урлагийн үндэсний зөвлөлийн даргаар жүжигчин, хөтлөгч Ч.Ундралыг томилжээ.
Жүжигчин Ч.Ундрал нь "Херо" энтертайнмэнтийн захирал Ч.Баатарын эхнэр байсан бөгөөд одоогийн УИХ-ын гишүүн, тухайн үед "Монгол туургатны 100 эрхэм"-ийн хөтлөгч байсан Анужинтай муудалцсан бичлэгээр нь монголчууд андахгүй болсон. Уг Зөвлөлийн гишүүдийн 30 хувь нь төрийн байгууллагын төлөөлөл, үлдсэн нь уран бүтээлчид, мэргэжлийн ТББ-ын төлөөлөл байх аж. Тус хуулийн 9.7 зүйлд “Зөвлөлийн дарга нь төрийн албан хаагч байх бөгөөд түүнийг Төрийн албаны тухай хуульд заасны дагуу сонгон шалгаруулж, соёлын асуудал эрхэлсэн Засгийн газрын гишүүн томилж, чөлөөлнө" гэж заасан байна.
Ингэснээр Ерөнхий сайд Л.Оюун-Эрдэнэ өөрийн бэр эгчийгээ буюу өөрийн ах, Херо Баатарын эхнэр жүжигчин, хөтлөгч Ч.Ундрал төрийн албан хаагч болгон дэвшүүлжээ.
