Шадар сайд С.Амарсайхан өнгөрсөн сард мэдээлэл хийхдээ "Барилгын салбарыг дэмжих, иргэдийг хямд үнэтэй орон сууцаар хангахаар МУЗГ, Монголбанктай хамтран ажиллаж, Монголбанк санхүүжилтийг олгохоор болсон. 2013 оноос хойш өнөөдрийг хүртэлх хугацаанд нийт 5.2 их наядын санхүүжилтийг Монголбанк арилжааны банкуудаар дамжуулан хийсэн. "Монголын ипотекийн корпораци” компани нь зүгээр л иргэдэд ипотекийн зээл зуучилсан гэдгээрээ хувь авч байна.Санхүүгийн зохицуулах хороо Монголын ипотекийн корпорацид тавьдаг хяналтаа сайжруулах ёстой. Монголбанк ипотекийн зээлийн журмыг өөрчлөх ёстой. Монголын ипотекийн корпораци орон сууцны зээл тус бүрээс 1.6 хувийн хүү авсаар байна. Энэ зээлийн зохион байгуулалтыг илүү сайжруулан, зардлыг нь бууруулах ёстой. Ингэвэл ипотекийн зээлийн хүү буурах боломжтой" хэмээсэн билээ.
Уг хөтөлбөрийн эхний жил 2013 онд гэхэд 6600 өрхөд 900 тэрбум төгрөгийн зээл олгосон бол түүнээс хойш санхүүжилт буурсаар 2020 онд 5800 өрхөд 409 тэрбум төгрөгийн орон сууцны зээл олгосон байна. Одоогийн байдлаар Монгол Улсын 900 мянган өрхийн 11 хувь нь ипотекийн зээлтэй байгаа ажээ.
"Монголын ипотекийн корпораци” буюу МИК ОССК ХХК төрийн өмнөөс иргэдийг орон сууцжуулах ажил хийсэнийнхээ төлөө ийнхүү шүүмжлэлд өртөв.
УИХ-ын гишүүн, сайд дарга нар бэлэн мөнгөө төлөөд өөрсдөө байр байтугай ХАУС авчихдаг. Тэдэнд санхүүгийн зүй тогтол, олон улсын бонд, урт хугацааны эрсдэл хаасан ипотекийн тогтолцоо огтхон ч хамааралгүй. Иймдээ ч богино хугацааны нэр хүнд олохын тулд суртал ухуулга хийж, хувийн байгуулага руу халдаж нэр хүндийг нь гутаахаа юман чинээ ч бодохгүй. Үр дүнд нь ард түмэн "МИК" ХК-ийг хараана. Харамсалтай нь уг тогтолцоо нурвал ипотекийн зээл үгүй болно. МАН-ай улстөрч аль хэдийн улстөрийн оноогоо халааслаад арилж өгнө. Хэрэвзээ Төр өөрөө ипотекийн зээл олгосон бол Хөгжлийн банк, ЖДҮ шиг л сүйрүүлэх байсан нь ойлгомжтой. Үнэн хэрэг дээрээ төрийн өмчит компаниудын ихэнх нь буюу 90 хувь нь үр ашиггүй алдагдалтай ажилладаг.
Гэтэл хийх ёстой хийж бүтээж буй хувийн салбараа яаж ийгээд булааж, өөрсдөө ашиг хонжоо хайх хүслээ улстөрчид нуухгүй байна.
"МИК" нь ипотекийн зээлийн хувь, хэмжээнд нөлөөлдөг, оролцдог байгууллага биш. Тэр тусмаа ипотекийн зээлийн хүүг тогтоодоггүй. Төрөөс хэдэн хувийн хүүтэй орон сууцны төсөл, хөтөлбөр хэрэгжүүлэхээ шийддэг. Монголбанк иргэдэд ямар шалгуураар олгох вэ гэсэн журмыг нь гаргаад, арилжааны банкууд шалгуур хангасан иргэнд ипотекийн зээл олгохоо бие даан шийддэг. МИК нь үнэт цаасны хоёрдогч зах зээлд үйл ажиллагаа явуулдаг мэргэшсэн санхүүгийн байгууллага бөгөөд Монгол Улсын хүн амыг орон сууцаар хангах хөнгөлөлттэй хүүтэй ипотекийн зээлийн хөтөлбөрийг тасралтгүй хэрэгжүүлэхэд үнэт цаасны хоёрдогч зах зээлийн үйл ажиллагаагаар дэмжин оролцдог. МИК-ээс арилжааны банкны бие даан олгосон ипотекийн зээлийг тухайн банкаас худалдан аваад үүгээрээ ипотекийн зээлээр баталгаажсан бонд гаргадаг.Энэхүү хөтөлбөр 2013 онд хэрэгжиж эхэлсэн цагаас тасралтгүй үргэлжилж, үр дүнд нь шат дараалалтайгаар 90 мянга гаруй айл найм, зургаа, таван хувийн зээлээр орон сууцтай болж чадсан билээ.хийрхүү улстөрчид эхлээд хувийн өмч, дараа нь даатгал руу дайрсан. Одоо ипотекийн зээл рүү халдаж байна.
Орон сууцтай болох гэж зүтгэж яваа иргэдээ дахин бүү боомилооч. Улстөрчдөө