АНУ-ын Ерөнхийлөгч асан Дональд Трамп Нью-Йоркт болсон шүүх хурлын үеэр өөрийг нь буруутгаж буйг нотлох баримт прокуроруудад байхгүй гэж мэдэгджээ. Тэрбээр хууль бус зүйл хийгээгүй гэдгээ дахин тэмдэглэв.
“Шүүх хурал олон хүнийг цочирдуулсан, учир нь тэдэнд ямар нэгэн “сюрприз” байгаагүй нь хэрэгт нотлох баримт байхгүй гэсэн үг. Мөрдөн шалгах ажиллагаанд оролцсон бараг бүх хуулийн мэргэжилтэн нотлох баримт байхгүй гэж мэдэгдсэн. Би хууль бус зүйл хийгээгүй” гэж экс ерөнхийлөгч бичжээ. Мөн тэрээр Флорида мужид очсон бөгөөд тэнд Мар-а-Лаго эдлэндээ мэдэгдэл хийх бодолтой байгаа гэв.
3-р сарын 30-нд Нью-Йоркийн шүүхийн тангарагтны шүүх 2016 оны ерөнхийлөгчийн сонгуулийн кампанит ажилд зарцуулах хөрөнгийг зориулалтын бусаар зарцуулсан хэрэгт Доналд Трампыг оролцсон гэх хэргийн яллах дүгнэлтийг буцаажээ.
Харин хоёр хоногийн өмнө буюу дөрөвдүгээр сарын 4-нд экс Ерөнхийлөгч Нью-Йоркт болсон шүүх хурлын үеэр буруугүй гэдгээ мэдэгджээ.
Манхэттэний прокурорын газар Трампын хэрэгт яллах дүгнэлтээ гаргасан юм. Түүнийг 34 зүйл ангиар "Нэгдүгээр зэрэглэлийн бизнесийн бүртгэлийг хуурамчаар үйлдсэн" гэж буруутгаж байгаа юм. Прокурорын байгууллага Дональд Трампыг 2016 оны сонгуульд ялахад саад учруулж болохуйц мэдээллийг нуун дарагдуулсан гэж үзэж байгаа юм. Ийм зүйл ангид дээд тал нь дөрвөн жилийн хорих ял оноодог аж.
Эх сурвалж: Сentralasia media