БНХАУ-аас Умард Солонгост суух элчин сайд тохоон томилогдсоноосоо хойш бүтэн хоёр жилийн дараа сая нэг үүрэгт ажлаа хүлээн авч ажилдаа орохоор болжээ.
Японы олон нийтийн NHK телквизийн орон нутгийн цагаар 27-ны өдөр мэдээлснээр, 2021 оны 2-р сард томилогдсон ч цар тахлын улмаас үүрэгт ажлаа хүлээж авах боломжгүйд хүрсэн Хятадаас Умард Солонгост суух шинэ элчин сайд ажилдаа орсон талаар онцолсон байна.
NHK агентлагийн мэдээлснээр, БНХАУ-аас Умард Солонгост суух элчин сайд Ван Яжүн мөн өдөр Хятадын Ляонин мужийн Дандонг хотоос Умард Солонгосын Синуйжү хотод галт тэргээр очсон гэв.
Тэрээр Хятадын Коммунист намын Гадаад харилцаа хариуцсан газрын дэд даргаар ажиллаж байгаад 2021 оны хоёрдугаар сард элчин сайд асан Ли Жинжүний ажлыг хүлээж авахаар болсон ч цар тахлын улмаас Умард Солонгос хилээ хаасан явдал нь түүний томилгоог хойшлуулаад байсан аж.
Умард Солонгос-Хятадын дипломат харилцааны талаар сайтар мэдэх эх сурвалжаас иш татан NHK агентлагийн мэдээлснээр Хятад улсын зүгээс Умард Солонгосын талд элчин сайд Ванг үүрэгт ажилд нь томилох хүсэлтэй байгаагаа илэрхийлсний үр дүнд уг шийдвэр гарсан гэв.
Тэгвэл энэ нь Умард Солонгосын хувьд цар тахлын халдвар дэгдсэнээс хойш анх удаа гадаадын дипломатч хүлээн авч байгаа хэрэг юм.
Элчин сайд Ван үүрэгт ажилдаа ийнхүү орсон явдал нь хоёр орны иргэд харилцан зорчих боломж сэргэх магадлалыг бий болгож байгаа юм. АНУ-Хятадын мөргөлдөөний улмаас нэг талаас Өмнөд Солонгос, АНУ, Япон, нөгөө талаас БНАСАУ, Хятад, ОХУ гэсэн сөргөлдөөн улам ширүүсч байгаа энэ үед Умард Солонгос, Хятадын хамтын ажиллагаа бэхжих эсэх нь олон улсын анхаарлыг ихээхэн татаж байгаа юм.
Эх сурвалж: Asiae
