Орос Хятадтай цэргийн эвсэл байгуулж байгаа нь бусад улс оронд аюул учруулж болзошгүй гэх мэдээллийг Ерөнхийлөгч Владимир Путин няцаалаа. Тэрээр энэ тухай “Россия 24” сувагт өгсөн ярилцлагадаа дурджээ.
"Энэ бол бодит үнэнд нийцэхгүй мэдээлэл" гэж Оросын удирдагч холбогдох асуултад хариулахадаа онцлов.
Ерөнхийлөгч Путин хэлэхдээ " Москва, Бээжин хоёр цэрэг-техникийн салбарт үнэхээр хамтран ажилладаг бөгөөд үүнийгээ нуудаггүй, гэвч тэнд бүх зүйл ил тод, нууц зүйл байхгүй гэж тэмдэглэв.
АНУ болон түүний холбоотнууд дэлхийн дэг журмыг өөрчилж чадах Орос, Хятадын холбоо хамтын ажиллагаа улам бүр нэмэгдэж байгаа тул хариу арга хэмжээ авахад бэлэн байх хэрэгтэй гэж "Вашингтон Пост" сонинд бичжээ.
3-р сарын 20-нд Хятад улсын дарга Ши Жиньпин Москвад хоёр өдрийн айлчлал хийж, Путинтэй уулзсан бөгөөд хэлэлцээний дараа хоёр удирдагчид эдийн засгийн хамтын ажиллагааны төлөвлөгөөний тухай мэдэгдэл, түншлэлийн харилцааг гүнзгийрүүлэх төлөвлөгөөний тухай мэдэгдэл гэсэн хоёр хамтарсан баримт бичигт гарын үсэг зурсан юм.