Гүний уурхайн олборлолтыг эхлүүлснээр баяжмал дахь зэсийн гарц гурав дахин нэмэгдэхээр байгааг “Оюу Толгой” ХХК-ийн Гүний уурхайн төслийн захирал Жак Ван Тондер онцоллоо.
“Оюу Толгой” ХХК 2010 оноос хойш өсөн нэмэгдсэн дүнгээр дөрвөн тэрбум ам.долларыг татвар хураамж, бусад төлбөрт төлсөн байна.
Харин үндэсний компаниудтай хийсэн худалдан авалт, төсөвт төлж буй татвар, хураамж, үндсэн ажилчдын цалинд 15 тэрбум ам.доллар буюу 34 их наяд төгрөг зарцуулжээ.
Тус компани 2022 оны IV улиралд 32 мянга 343 тонн баяжмал дахь зэс үйлдвэрлэсэн байна. 2022 оны нийт дүнгээр 129 мянга 468 тонн хүрчээ. “Оюу Толгой” ХХК өнгөрсөн онд 110,000 –150,000 тонн баяжмал дахь зэс үйлдвэрлэх төлөвлөгөөтэй байсан аж.
Мөн 2022 оны IV улиралд 34 мянга 222 унц, 2022 онд нийт 183 мянга 787 унц баяжмал дахь алт үйлдвэрлэснээр үйлдвэрлэж, мөн төлөвлөгөөгөө биелүүллээ.