Худалдан авагчид тансаг зэрэглэлийн автомашины зах зээлд дунджаар 65,775 ам.доллар зарцуулж байна
2022 он автомашин үйлдвэрлэгч болон худалдан авагчдад хүндхэн жил болж өнгөрлөө. Харин зарим тансаг зэрэглэлийн автомашин үйлдвэрлэгчдийн нийлүүлэлт дээд цэгт хүрч өссөн байна. Тухайлбал: тансаг зэрэглэлийн автомашин үйлдвэрлэгч “Bentley” компани 2022 онд дэлхийн хэмжээнд 15 мянга 174 ширхэг автомашин зах зээлд нийлүүлсэн нь өнгөрсөн оныхоос дөрвөн хувиар өссөн үзүүлэлт боллоо. Мөн “Rolls-Royce”-ийн нийлүүлэлт найман хувиар өссөн байна.
Тансаг зэрэглэлийн автомашинуудын борлуулалт 2022 онд гурван хувиар өссөнийг “Truecar”-ийн шинжээчид тооцоолжээ. 2023 онд ч өсөлт үргэлжлэхээр байгааг онцолж байна.
Худалдан авагчид тансаг зэрэглэлийн автомашины зах зээлд дунджаар 65 мянга 775 ам.доллар зарцуулж байгаа аж.
Үүнээс гадна Монголд тансаг зэрэглэлийн автомашины зах зээл ирэх таван жилд өсөлттэй байна гэж “Старчейз Автомотив Лимитд” ХХК-ийн Гүйцэтгэх захирал Крейг Райт онцолж байсан юм.