ОХУ-ын Батлан хамгаалах яамны мэдээлснээр Оросын цэргүүд Донецкийн чиглэлд урагшилж, 12-р сарын 15-ны пүрэв гарагийн орой илүү ашигтай байрлалыг авч чадсан байна. Украины арми өдрийн турш Оросын сөрөг довтолгоогоор алдагдсан байрлалаа буцаан авахыг оролдсон боловч амжилт олсонгүй. Хамгийн ширүүн тулаан Северное, Красногоровка суурины орчимд болсон байна.
Мөн Авдеевка чиглэлд Оросын цэргүүд Водяное орчмоос дайсныг шахаж, тосгонд хяналтаа өргөжүүлжээ. Первомайское, Невельскийн суурин газруудад Оросын цэргүүд урагшилж байна. Харин энэ бүхний хариуд Украинй цэргийнхэн алдагдсан байрлалаа сэргээхээр сөрөг довтолгоогоо үргэлжлүүлж байна.
Артёмовск (Бахмут) орчимд Оросын цэргүүд Опытный тосгон руу дайрсаар байна. Хотын зүүн өмнөд болон зүүн хэсгийн суурьшлын бүс болон аж үйлдвэрийн бүсэд байлдааны ажиллагаа үргэлжилж байна. Тусгай хүчнийхэн Клещеевка орчмын хамгаалалтыг шалгаж, Курдюмовка орчмын хяналтын бүсийг өргөтгөж байна.
Харин Украины цэргүүд Сватовский, Краснолиманскийн чиглэлд хэд хэдэн орон нутгийн довтолгоо хийсэн боловч төдийлөн амжилтанд хүрээгүй. Оросын цэргүүд Новоселовскоет тулалдаж, дайсныг аажмаар шахаж байна гэж мэдэгджээ.
Угледар чиглэлд Великая Новосёлка, Павловка, Угледар, Новомихайловка тосгонуудын нутаг дэвсгэрт томоохон өөрчлөлт ороогүй ч энэ газруудад тулалдаан үргэлжилсээр байна. Маринка хотын ихэнх хэсгийг Оросын цэргүүд хяналтандаа байлгаж байна.
Купянскийн чиглэлд Оросын их бууны хийсэн галын нарийн маневрын үр дүнд дайсны довтолгоог дарж, хүнд галын бууг энд идэвхтэй ашиглаж байна.
Краснолиманскийн Плошанка, Голиково, Кременная суурингийн чиглэлд сөрөг довтолгоонд орохыг оролдсон Украины Зэвсэгт хүчний дөрвөн дайралтын бүлгийн давшилтыг зогсоов.
Эх сурвалж: АиФ