ОХУ баасан гарагийн өглөө Украины хэд хэдэн бүс нутагт пуужингийн шинэ цуврал цохилт өгснөөр цахилгаан дахин тасалджээ. Харьков, Полтава хотын эрчим хүчийг бүрэн унтрааж, Киевт дараалан дэлбэрэлт сонсогдож, Кривой Рогт хоёр хүн нас барсан байна. Украины армийн тооцоогоор энэ удаад ОХУ 60 гаруй пуужин харвасан байна.
Агаарын дайралт өглөө орон даяар зарлаж улмаар Киев, Харьков, Кривой Рог, Запорожье хотод дэлбэрэлт болжээ. Орон нутгийн эрх баригчдын мэдээлснээр дээрх хотуудын дэд бүтэц рүү пуужингийн цохилт өгчээ.
Харьков хотын эрчим хүч бүрэн тасарсан гэж тус бүс нутгийн эрчим хүчний компанийн төлөөлөгч Марина Шевченко мэдэгдэв. Урьдчилсан мэдээллээр дэд бүтцийн байгууламж руу пуужингийн довтолгоо хийсэн бөгөөд хотын амбан захирагч Олег Синегубов Харьков мужид 10 пуужин туссан гэж тооцоолжээ.
Днепропетровск мужийн Кривой Рог хотод орон сууцны барилга цохилтод өрсөн, хүмүүс нуранги дор байж магадгүй" гэж Украины Ерөнхийлөгчийн Тамгын газрын дэд дарга Кирило Тимошенко мэдэгдэв. Тодорхой байгаагаар хоёр хүн амиа алдсан байна.
Хотын зөвлөлийн нарийн бичгийн дарга Анатолий Куртевын хэлснээр Запорожье мужид 15 орчим пуужингийн цохилт бүртгэгдсэн гэжээ.
Полтава ч бас цахилгаангүй болсон гэж мэдэгдэв. Тус мужийн Кременчук хотод цахилгаангүйн улмаас халаалтгүй болоод байна.
Сумы, Житомир, Кировоград, Ривне гэсэн дөрвөн бүс нутагт урьдчилан сэргийлж цахилгаанаа унтраасан байна. Мөн Киев, Харьковын метроны галт тэрэгний хөдөлгөөн зогсжээ. Орос Украины трансформаторуудыг устгаж байна.
Орос хоёр дахь сардаа Украины эрчим хүчний дэд бүтцийн байгууламжид пуужин болон дроны цохилт өгч байна. Москва иргэний дэд бүтцийг онилж байгаагаа нуудаггүй, тэднийг цэрэг армитай нь холбож тайлбарладаг.
Киев 12-р сарын 14-ний лхагва гарагт камикадзе дроны сүүлчийн томоохон халдлагад өртөв. Украины Ерөнхийлөгч Владимир Зеленский тухайн үед Оросын арми Иранд үйлдвэрлэсэн 13 дрон хөөргөснийг бүгдийг нь устгасан гэж мэдэгдсэн юм.
Эх суовалж: ВВС
