Орос, Хятад хоёр Оросын Алс Дорнодоос Хятадад хий нийлүүлэх төслийн Засгийн газар хоорондын хэлэлцээрт гарын үсэг зурахаар бэлтгэж байна гэж ОХУ-ын Ерөнхий сайдын орлогч Александр Новак эрчим хүчний асуудлаарх Засгийн газар хоорондын комиссын хуралдааны үеэр мэдэгдэв.
2022 оны 2-р сарын 4-нд Газпром болон CNPC компаниуд Алс Дорнодын чиглэлээр байгалийн хийг худалдах, худалдан авах урт хугацааны гэрээнд гарын үсэг зурсан.
"Газпром болон Хятадын үндэсний газрын тос, байгалийн хийн корпорацийн хооронд Алс Дорнодоор дахин 10 тэрбум шоо метр хий нийлүүлэх гэрээнд гарын үсэг зурсан. Ойрын хугацаанд бид Засгийн газар хоорондын хэлэлцээрт гарын үсэг зурах ёстой. Энэ бол ирээдүйд хэрэгжих том төсөл байх болно" гэж Новак тэмдэглэв.
ОХУ-ын Шадар сайд мөн "Өөр нэг томоохон төслийг хэрэгжүүлэхээр хэлэлцээ үргэлжилж байна. "Сибирийн хүч 2"-оор дамжуулан хий нийлүүлэх. Хий дамжуулах энэ хоолой Монголоор дамжин БНХАУ-д хүрнэ. Энэ бол Энэ бол 50 тэрбум шоо метр хий дамжуулах багтаамжтай шинэ том төсөл юм"гэдгийг дурдав.
"Бид үндэсний мөнгөн тэмдэгт болох рубль, юаниар харилцан тооцоо хийх хэлбэрт шилжиж байна. Жишээ болгон өнөөдөр "Газпром" болон БНХАУ-ын хооронд байгалийн хийн нийлүүлэлт паритетийн зарчмаар явагдаж байна. Нефть, газрын тосны бүтээгдэхүүнийг мөн үндэсний мөнгөн тэмдэгт рүү шилжүүлж байна" гэж тэр нэмж хэлэв.
Новак хэлэхдээ, эрчим хүчний салбарын Хятад улстай хийсэн худалдааны эргэлт мөнгөн дүнгээр 64 орчим хувиар, газрын тос, байгалийн хий, нүүрс, цахилгаан эрчим хүчний салбарын нийлүүлэлт биет байдлаар 10 орчим хувиар өссөн байна.
"Бид ирээдүйн хөгжилд анхаарлаа хандуулж байна" гэж тэр нэмж хэлэв.
Эх сурвалж: Interfax.ru