ОХУ-ын Ерөнхийлөгч Владимир Путин "нэгэн цагт" Донбасст айлчлах боловч одоогоор түүнд тодорхой төлөвлөгөө байхгүй байна. ОХУ-ын удирдагчийн хэвлэлийн нарийн бичгийн дарга Дмитрий Песков энэ бүс нутагт хийх Путины боломжит айлчлалын талаар ярьжээ.
Ийм аялал эрт орой хэзээ нэгэн цагт болно гэдэгт эргэлзэхгүй байна. Одоогоор тодорхой төлөвлөгөө гараагүй байгаа ч Путин Донбасст ирэх нь цаг хугацааны асуудал. Донбасс нь Оросын бүс нутаг, тиймээс тэр тэнд ирэх нь гарцаагүй" гэж Песков хэлэв.
Есдүгээр сарын 23-наас 27-ны хооронд Херсон, Запорожье муж болон Донбассын бүгд найрамдах улсуудад бүс нутгийг ОХУ-ын бүрэлдэхүүнд оруулах асуудлаар санал асуулга явуулсан. Санал хураалтын дүнгээс харахад БНДАУ-ын оршин суугчдын 98.42 хувь, Луганскийн 99.23 хувь, Херсон мужийн 87.05 хувь, Запорожье мужийн иргэдийн 93.11 хувь нь нэгдэхийг дэмжсэн юм.
Тодруулахад, Украин дахь тусгай цэргийн ажиллагааны гол зорилго, төлөвлөгөө нь Донбасст туслах явдал гэж Ерөнхийлөгч өмнө нь хэлж байсан бөгөөд Донбассын бүгд найрамдах улсуудын тусгаар тогтнолыг хүлээн зөвшөөрсний дараа Орос улс тэднийг хамгаалах ёстой гэж төрийн тэргүүн тэмдэглэж байв.
Эх сурвалж: Лента.ру
