ОХУ-ын пуужингийн довтолгооны уршгаар Украины эрчим хүчний дэд бүтцийн 40 орчим хувь нь сүйрсэн гэж Владимир Зеленский мэдэгдэв.
Украины ерөнхийлөгчийн албан ёсны сайтад мэдээлснээр, тэрээр Киевт айлчилж буй Европын холбооны эрчим хүчний асуудал эрхэлсэн комиссар Кадри Симсонтой уулзах үеэрээ ингэж хэлсэн байна.
Оросын пуужин, дроны цохилтын улмаас Украин Европ руу цахилгаан эрчим хүч экспортлохоо зогсоосон. "Гэхдээ бид бүх зүйлийг сэргээнэ гэдэгт би итгэлтэй байна" гэж ерөнхийлөгч Зеленский хэлснийг иш татжээ.
Аравдугаар сарын эхээр Украины эрчим хүч рүү хийсэн Оросын цохилтын эхний давалгааны дараа Зеленский Украины эрчим хүчний байгууламжийн 30 орчим хувь нь эвдэрсэн гэж мэдэгджээ.
Украины эрчим хүчний дэд бүтэц эвдэрч сүйрсэнтэй холбогдуулан тус улсад цахилгаан эрчим хүчийг хязгаарлах хуваарийг нэвтрүүлээд байгаа юм.
Эх сурвалж: Лента.ру
