Өнөөдрийн Засгийн Газрын хуралдаанаар Эрдэнэс- Тавантолгой ХК-тай холбоотой асуудлаар хэлэлцэж онцгой дэглэм тогтоох шийдвэр гаргалаа.
ЗГХЭГ-ын дарга Д.Амарбаясгалан “Монгол Улсын хувьд төлбөрийн тэнцэлтэй холбоотойгоор валютын нөөцийг нэмэгдүүлэх онцгой арга хэмжээ авах үүрэг чиглэл өгөгдсөн. Эрдэнэс-Тавантолгой ХК нь энэ оны төгсгөл гэхэд 500 сая долларыг татан төвлөрүүлэх, Эрдэнэт уулын баяжуулах үйлдвэрт 300 сая ам долларыг төвлөрүүлэх үүрэг өгөгдсөн байдаг. Үүнтэй холбоотойгоор Эрдэнэс Тавантолгой ХК-д Засгийн Газрын 362-р тогтоолын хүрээнд 6 сарын хугацаанд онцгой дэглэм тогтоохоор боллоо” гэлээ.
Энэ хугацаанд Эрдэнэс Тавантолгой ХК-ийн бүтэц зохион байгуулалтыг шинэчлэх, үйлдвэрлэл технологийн дүрэм, осол ажиллагааны журам тогтоох, нүүрс ачих, тээвэрлэх бүхий л үе шатанд хяналтыг сайжруулах ажлыг зохион байгуулах юм.
Мөн “Эрдэнэт үйлдвэр дээр хэрэгжүүлсэн онцгой дэглэмийн хүрээнд өмчлөл хувьчлалтай холбоотой асуудал үүссэн учраас лацдах, ломбодох, эрхийг шилжүүлэх ажил зохион байгуулж байсан. Харин Эрдэнэс Тавантолгой ХК –д хэрэгжүүлж байгаа онцгой дэглэм тэс өөрөөр явагдана. Энэ үлйлдвэрт гадаад валютын нөөцийг нэмэгдүүлэх асуудал үүсэж байгаа учраас дээрх арга хэмжээг авахаар болжээ” гэлээ.
Г.Бүжинлхам