“Өргөө” амаржих газрын асуудалтай холбоотойгоор тус эмнэлгийн захирал асан Ж.Энхцэцэгийг ЗГХЭГ-аас дуудаж уулзлаа. Тэрбээр ЗГХЭГ-т нэр төрөө сэргээлгэхээр хандсан гэдгээ хэллээ.
Ж.Энхцэцэг: “Хэрхэн ажиллаж байсан тайлангаа тавилаа. Дүн бол гарах болоогүй. Бид бүхэн дуугаа хүргэх ёстой гэдэг утгаар нь ирчихсэн байна. Миний тавиад байгаа шаардлагыг дарамт гэж үзэх юм уу, эсвэл шаардлага гэж үзэх юм уу. Ёс зүй хаана байна гэдэг зүйлийг ярина. Мэдээж нэр төрөө сэрээлгэнэ. Сүүлийн хоёр жилийн хугацаанд өргөө амаржих газарт төрсөн хүмүүсээс мөнгө авч байгаа үйлдэл байхгүй болсон. Би “Өргөө” амаржих газрын үйлчилгээ ямар байна гэдгийг үйлчлүүлэгчийн сэтгэл зүйгээр хэмждэг” гэлээ.
Мөн “Надад хувийн эмнэлэг байхгүй. Миний хувьд бол хувийн эмнэлэгтэй эмнэлэгтэй байсан. Би энэ ажлыг хийхийн тулд мэдээж гэрээгээ цуцалсан. Миний ажилд авсан цагдаагийн хувьд бол төрийн албаны хуулийн дагуу сонгон шалгаруулалтаар авсан. Хүнийг ажил мэргэжлээр нь энэ хүнийг ажилд авч болохгүй гэсэн хууль дүрэм байдаггүй. Ямар нэгэн хүнийг ажилд авахдаа сонгон шалгаруулж, үүний хүрээнд удирдах зөвлөлийн хурлаа хийгээд ажилд авдаг. Эрх зүйч эдийн засагч хуульч хүнийг энэ албан дээр авч болно гэсэн хууль байдаг юм билээ. Энэ хүний хувьд 4,5 жил санхүүгийн хяналт хийдэг байсан туршлагатай. Ер нь цагдаагийн байгууллагад ажиллаж байсан хүн нэг газраа тогтвор суурьшилтай ажилласан, ажлын үүрэг даалгаврыг биелүүлэхдээ удирдах, удирдуулах эсэхийг сайн мэддэг хүн байдаг гэж би харсан. Ийм хүмүүсийг эмнэлгийн байгууллагад ажилласан гэдэг утгаар нь ялгаварлан гадуурхах нь байж болохгүй” хэмээн хэллээ.
Г.Бүжинлхам