Алтны болон Ашигт малтмалын татварыг хоёр дахин нэмэгдүүлэхээр санал асуулга зохион байгуулах талаар иргэн О.Энхмаа Сүхбаатарын талбайд мэдэгдэл хийж байна.
Тэрбээр "Ашигт малтмалын үнийг хоёр дахин нэмэгдүүлэх саналыг долдугаар сарын 29-ны өдөр Засгийн Газрын тэргүүн, УИХ-ын дарга, Ашигт малтмалын хэрэг эрхлэх газар, Ерөнхий сайд зэрэг хамаарал бүхий дөрвөн газар, хувь хүнд тавьсан. Үүний дагуу Ерөнхий сайд Л.Оюун-Эрдэнэ УУХҮЯ-аар дамжуулан хариу хүргүүлэхдээ “Та ашигт малтмалын хуулийн нэмэлт өөрчлөлтийн хэлэлцүүлэгт оролцож, саналаа хэлэх боломжтой” гэсэн. Улмаар бид хэлэлцүүлэгт орж Ашигт малтмалын тухай хуулийн 47 дугаар зүйлийн нэгийн гурвыг өөрчлүүлэхээр болсон.
Улсын, хувийн хэвшлийн ажилчид дор хаяж 20-25 хувийн татвар төлдөг улсад ашигт малтмалын эрхэлж буй аж ахуйн нэгж дөнгөж 5 хувийн татвар төлдөг. Энэ нь тэгш бус байдлыг арилгаж шударга ёсыг тогтоохоор уг саналыг гаргасан.
Мөн ашигт малтмал олборлож гэнэт баяжсан байгууллагууд татвараа ч бага болон муу төлсөн байдаг. 2019 оны арваннэгдүгээр сарын 14-нд гаргасан ард түмэн байгалийн баялгаас хүртэх хишгийг хүртээдэггүй болсноор бидний эрхийг ноцтой зорчиж байна” гэлээ.