Байгаль орчин аялал жуулчлалын яамнаас Дорнод аймагт байгаль орчныг хамгаалах, нөхөн сэргээх зардлаар түймэрт шатсан, хөнөөлт шавжид нэрвэгдсэн, мод бэлтгэсэн 50 га талбайд ойжуулалт хийхээр төлөвлөжээ.
Тус ажлыг Баян-Уул суманд шилмүүст модоор хийж гүйцэтгэх ба ойн санг 50 га талбайгаар нэмэгдүүлэх зорилготой юм байна. Байгаль орчин аялал жуулчлалын сайд, сангийн сайдын хамтарсан тушаалаар шинэчлэглэгдэн батлагдсан норм нормативын дагуу хийх ба нөхөн сэргээлт хийснээр амьтан, ургамалыг устаж үгүй болох эрсдэлийг бууруулах, ойн санг нэмэгдүүлэх, ан амьтан дүрвэхээс сэргийлэх ач холбогдолтой юм.
