АТГ-аас Нийслэлийн худалдан авах ажиллагааны газрын хоёр албан тушаалтныг өчигдөр эрүүгийн хэрэгт яллагдагчаар татан саатуулжээ. Өчигдөр дээрх албан тушаалтнуудын гэр болон Худалдан авах ажиллагааны газарт Авлигатай тэмцэх газраас нэгжлэг хийсэн ба ажлын байрнаас нь авлигад авсан мөнгийг хураан авсан байна.
Дээрх албан тушаалтнуудыг эрх мэдэл, албан тушаалын байдлаа урвуулан ашиглаж, бусдад давуу байдал олгон, авилга авсан гэх үндэслэлээр саатуулан шалгаж байгаа ажээ. Сэжигтэн этгээдүүд нь нэр бүхий аж ахуй нэгжид давуу байдал олгож, тендерт шалгаруулсан нь шалгалтын явцад баримтаар тогтоогдсон байна.
