Аав ээжийн буян үр хүүхэд рүү дамжина гэж ярих байдаг. Энэ нь үр хүүхэд өөрсдөө авбал дамжина гэж байгаа юм. Тэр аман хишгийг авч чадах уу, үгүй юу? гэдэг үр хүүхдээс хамаарна. Хүүхэд төрөхөөсөө л эцэг эхийн аман хишгийг нь хүртэхээр буянтай хүүхэд байлаа гэж бодоход муу нөхдийн хор нөлөөлөөс ч юм уу аав ээжийгээ загнаад эсвэл архи дарс уугаад аав ээждээ гар хүрэх гэх мэтээс болоод, тэр буян нь барагдчихдаг байна. Ингэхэд эцэг эхийн аман хишиг ирэх гүүр, хоолой нь байхгүй болчихож байна.
Хэрэв хүүхэд аав ээжийнхээ аман хишгээс гарцаагүй хүртэх үйлийн үрийн 20 хувь боловсорсон байя гэж бодъё. Боловсорсон байлаа гэхэд тэр 20 хувиа богино хугацаанд эдлээд барчих байна. Эцэг эхээ хүндэтгэж дээдлэхгүй бол тэгж мэднэ. Иймд монголчууд дээр үеэс хүн ахтай, дээл захтай, айлд орсон ч ах нь дээр нь, дүү нь доор суудаг байсан. Аавын үгээс гардаггүй. Тэр болгоноороо тэр буян, аман хишгийг нь хүртдэг байжээ. Аавын өмнүүр гарахгүй. Тэр болгоноороо буяныг үр хүүхэд нь авч байдаг юм байна. Аав ээж буян хишгээ дамжуулъя гээд байхад хүүхэд авахгүй гээд байна шүү дээ.
Энэ адил Бурхад адис жинлаваа хур бороо шиг буулгаад байхад тэрийг авч чадахгүй тохиолдол байна. Тэр нь сүжгээс болоод байна шүү дээ. Ингэхээр буян эцэг эхээс дамжих гэхээс илүүтэй, хүүхэд аман хишгийг авах гэдгийг бодох хэрэгтэй юм.
Ингээд хураангуйлбал: 1. Хүүхэд төрөхөөсөө эцэг эхийн аман хишгийг авах буянтай хэрнээ тэр үйл нь боловсроогүй бол энэ буянаараа авч болох авч, дунд нь үл хүндэтгээд, буруу үйлдэл гаргаад тэр буян барагдах
2. Тэр хүүхдийн авах буян төрөхөөсөө 20 хувь нь боловсорсон байвал, 20 хувиа авъя. Юм болохгүй. Авсан уу гэвэл авсан. Эцгийнхээ 20 саяын үнэтэй хөөрөг эсвэл аягыг авч яваад алдчихсан тохиолдол байдаг. Ийм байдлаар эцгийн буян хишгийг хүртсэн боловч энэ нь өөрт ирсэнгүй, барчих
3. Хүүхэд өөрөө эрэлхийлж, эцэг эхээ хүндэлж дээдэлж байж аман хишиг нь ирэх байна
Ачит багшийн айлдвараас....2022.03.17