Авлигатай тэмцэх газраас Худалдаа хөгжлийн банкны Төлөөлөн удирдах зөвлөлийн дарга "Сахал" хочит Д.Эрдэнэбилэгийг яллагдагчаар татан шалгаж эхэлсэн билээ.
АТГ-аас түүний гэр болон ажил, хамаарал бүхий обьектуудад нэгжлэг хийн түр саатуулсан бөгөөд мөрдөн шалгалтын явцад гэмт хэрэг үйлдсэн байж болзошгүй гэх үндэслэл тогтоогдсон байна. Тиймээс Д.Эрдэнэбилэгийг цагдан хорих саналыг АТГ-аас прокурор, шүүхийн байгууллагад хүргүүлсэн юм.
Энэ хүрээнд өнөөдөр Д.Эрдэнэбилэгийг цагдан хорих эсэхийг шүүх хурал Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд болсон бөгөөд шүүх бүрэлдэхүүн яллагдагч Д.Эрдэнэбилэгийг цагдан хорих шийдвэр гаргалаа.