Энэ сарын 16-нд 05 дугаар цэргийн ангийн алба хаагч ходоод нь задарч амиа алдсан. Амь үрэгдсэн цэргийг өнөөдөр сүүлчийн замд нь үдсэн бөгөөд хэргийн талаар холбогдох албаны удирдлагууд мэдээлэл хийлээ.
Энэ үеэр Дотоодын хэргийн 05 дугаар ангийн захирагч, хурандаа Ж.Мөнхсолонго "05 дугаар ангийн нэгдүгээр ээлжээр татагдан алба хааж байсан байлдагч зургаадугаар сарын 15-ны өдөр эрүүл мэндийн үйлчилгээнд хамрагдахад эрүүл байсан. Харин зургаадугаар сарын 16-ны орой артерын даралт нь доголдож эмнэлгийн тусламж авсан. Эмнэлгийн хариуны талаар бид мэдэхгүй. Цэргийн дасгал сургуулалт хийх орчимд 18 камер байдаг. Харин унтлагын өрөөний хоёр камер түр зуурын засвартай байсан" талаар хэллээ.