Хоёр хүүхэд бүлэглэн нэгнийгээ зодсон бичлэг саяхан цахим сүлжээнд цацагдсан. Энэ асуудлаар цагдаагийн байгууллагаас өнөөдөр мэдээлэл хийлээ.
Энэ талаар ЦЕГ-ын Хэвлэл, мэдээллийн төвийн мэргэжилтэн Д.Оюун "Бичлэг нийтлэгдсэний дагуу цагдаагийн байгууллагаас эрэн сурвалжлах шалгалтын ажлыг эхлүүлсэн бөгөөд хүүхдүүдийг олж тогтоосон. 16 настай Б, Г нар 16 настай М-ийг найз охин руу мессэж бичсэн гэх шалтгаанаар биед нь халдсан байсан. Тухайн хохирогч хүүд ШШҮХ шинжээч эмч томилон эрүүл мэндэд хохирол хэрхэн учирсан талаар тогтоолгохоор шинжээч эмч томилон үзлэг, шинжилгээг хийж байна. Харин хүүхдүүдийг үргэлжлүүлэн Баянгол дүүрэг дэх Цагдаагийн 1 дүгээр хэлтэс дээр шалгаж байна. Хүүхдүүдэд ногдуулах эцсийн шийдвэрийг шүүхээс гаргана. Тухайн үед тухайн хүүхэд зодуулсан талаараа ар гэрийнхэндээ мэдэгдээгүй бөгөөд гэрийнхэн нь тухайн бичлэгээс дүүгээ зодуулсаныг мэдсэн байсан" хэмээн мэдээллээ