Монгол улсын Засгийн газраас Хэмнэлтийн бодлого явуулж эхэлсэн билээ. Мөн хоёрхон хоногийн өмнө болсон Засгийн газрын хуралдаанаар "Эрдэнэс Монгол" компанийн доор байдаг охин компаниудын Төлөөлөн Удирдах Зөвлөл(ТУЗ) нийтдээ 200 гаруй хүний бүрэлдэхүүнийг цомхотгож 27 хүний бүрэлдэхүүнтэй болгох шийдвэр гарсан.Гэвч Засгийн шийдвэрийг үл тоомсорлож буй нэгэн төрийн өмчит компани байна. Энэ компани бол “Монголросцветмет” ТӨҮГ юм. Тус компани нь “Монгол хусны чага” ХХК-иас 45,278,516 төгрөгөөр чага мөөгний хандмал худалдан авчээ.
Уг худалдан авалтын гүйлгээг тавдугаар сарын 10-ны өдөр буюу яг нэг сарын өмнө хийсэн байна.
Тус ТӨҮГ нь “Монгол хусны чага” ХХК-иас өмнө нь мөн худалдан авалт хийж байсан бөгөөд 2021.09.03-ны өдөр 188,080,000 төгрөгний “Ажиллагсдад олгох хүнсний бүтээгдэхүүн”-ий гэрээг байгуулсан байна. Энэхүү гэрээ нь энэ оны II улиралд дуусна.Засгийн газрын шийдвэрийг ЧАГА мөөгний хэмжээнд үнэлдэг энэ компанитай хэн хариуцлага тооцох вэ?
Уул Уурхай, Хүнд Үйлдвэрийн сайд Г.Ёндон уу? Засгийн тэргүүн Л.Оюун-Эрдэнэ үү?