БНСУ-ын Засгийн газраас коронавирусний вакцинд хамрагдаагүй хүмүүсийг хилээр нэвтрүүлэхэд тогтоосон тусгаарлалтын дэглэмийг ирэх долоо хоногоос цуцлахаар болсныг зарлажээ. Тус улсын Ерөнхий сайд Хан Док Су мэдэгдэхдээ “Бид хилээр нэвтрэхэд тавих хяналтын тогтолцоог өөрчлөн зохион байгуулна. Вакцин хийлгээгүй хүмүүс хилийн чанадаас ирсээд долоо хоног тусгаарлалтын дэглэм сахиж байсан бол зургаадугаар сарын 8-наас эхлэн вакцинжуулалтын статусаас үл хамааран тусгаарлагдах шаардлагагүй болно" гэжээ.
Харин хилийн чанадаас ирж буй хүмүүс БНСУ-д ирэхээсээ гурав хоногийн өмнө хийлгэсэн PCR-ийн шинжилгээний хариуг хилээр нэвтрэх үед үзүүлэх шаардлага хэвээр байгаа ажээ.