НҮБ-ын Ерөнхий нарийн бичгийн дарга А.Гутерриш 6 сарын 1-ний өдөр Шведийн нийслэл Стокгольмд айлчлах үеэрээ уриалга гаргалаа. Тэрбээр "Орос, Украины мөргөлдөөн хүнсний хямрал үүсгэж болзошгүй тул олон улсын хамтын нийгэмлэг яаралтай, шийдэмгий арга хэмжээ авах хэрэгтэй байна" гэжээ.
А.Гутерриш Шведэд айлчилж, Шведийн ерөнхий сайд Андерссонтай уулзсан ба уулзалтын дараа болсон хэвлэлийн бага хурлын үеэр хэлэхдээ: "Украин болон Оросын үр тариа, бордоо олон улсын зах зээлд шинээр орж ирэхгүй юм бол хүнсний аюулгүй байдлыг үр дүнтэйгээр шийдэхэд хэцүүдэх болно. Яриа хэлэлцээрийн арга замаар Орос, Украины мөргөлдөөнийг зогсоохын тулд цаашид хичээн ажиллах болно. Хүнсний хямрал үүсэх магадлал их байгаа, онцгойлон хөгжиж буй улс орнуудад хүнсний хямрал гарч болзошгүй тул олон улсын хамтын нийгэмлэг яаралтай, шийдэмгий арга хэмжээ авахыг уриалж байна" гэжээ.