АТГ-аас Худалдаа хөгжлийн банкны ТУЗ-ийн дарга Сахал хочит Д.Эрдэнэбилэгийг цагдан хорьсон билээ. Түүнийг “Дарханы төмөрлөгийн үйлдвэр”, “Хөтөлийн цемент шохойн үйлдвэр”- ийн Хөгжлийн банкнаас авсан зээлтэй холбоотой хэргээр яллагдагчаар татсан юм. Тэгвэл тус хэрэгт холбогдуулан Төрийн өмчийн хорооны дарга асан Д.Сугарыг өнгөрсөн 7 хоногт яллагдагчаар татсан юм. Д.Сугар нь олон хэрэгт холбогддог ч "Сугардаггүй" нэрээр алдаршаад байсан. Энэ удаа харин шалгагдаж байна. Тэгвэл АТГ-аас Үндсан хуулийн цэцийн гишүүн Ц.Нанзаддоржийг шалгаж эхэлсэн. Тэрээр Үндсэн хуулийн цэцийн гишүүн учир халдашгүй гэгдэх бүрэн эрхтэй нэгэн. Бүрэн эрхийнхээ хүрээнд АТГ-аас явуулж байгаа шалгалтын ажлыг удаашруулах эрсдэлтэй Ц.Нанзадорж нь Төрийн өмчийн хороонд байхдаа Д.Эрдэнэбилэгийн компанид “Дарханы төмөрлөгийн үйлдвэр”-ийн засвар шинэчлэлийн ажлыг хууль бусаар олгосон байж болзошгүй асуудлаар шалгагдаж байгаа бололтой..