Засгийн газрын ээлжит хуралдааны шийдвэрийг танилцуулж байна. Өнөөдрийн хуралдаанаар 23 асуудал хэлэлцэж шийдвэрлэжээ.
Тэр дундаа тусгай сангуудын менежментийг шинэчлэх талаар хэлэлцжээ. Тодруулбал, Боловсролын зээлийн сангийн сонгон шалгаруулалтын үйл ажиллагааг зохион байгуулахад хүний оролцоо бага байлгах тогтолцоотой болох юм.
Зээлээ төлөөгүй, хууль бусаар хаалгасан, тэтгэлэг авсан ч сургуулиа төгсөөгүй гэх мэт зөрчилтэй 270 орчим суралцагчийн мэдээлэл бий
Мөн энэхүү шинэчлэлийн хүрээнд дэлхийн топ их дээд сургуульд тэнцсэн 2023 онд зээл авсан оюутнуудын бүртгэлд тодотгол хийж шинэ системээр шалгалт явуулахаар болсон талаар ЗГХЭГ-ын дарга Д.Амарбаясгалан мэдээллээ.
Зээлээ төлөөгүй, тэтгэлэг авсан ч сургуулиа төгсөөгүй гэх мэт зөрчилтэй 270 орчим суралцагчийн мэдээлэл байгаа ба үүнийг нягтлаад ямар ч зөрчилгүй хүмүүсийн нэр төрийг цэвэрлэх, харин зөрчилтэй хүмүүсийг хууль хяналтын байгууллага шалгаж, хариуцлага хүлээнэ.
Журмыг илүү тодорхой болгосноор зээлийн төлөлт илүү ойлгомжтой, тодорхой болно гэлээ. Монгол Улсад байдаг 24 тусгай сангийн үйл ажиллагааг ил тод, шилэн болгоно гэсэн юм.
Хуралдаанаар, ЗГХГ-ын Хөрөнгө оруулалтын газрын даргад шинэ албан тушаалтан томилжээ.
