Орон нутгийн найман чиглэлд нислэг сэргээж МИАТ ТӨХК нислэг үйлдэж, тийзийн үнийг 2-2.5 дахин бууруулсан талаар Зам, тээврийн хөгжлийн сайд С.Бямбацогт мэдээлэл хийлээ.
Тэрбээр "Орон нутгийн нислэг сэргэснээр нэгдүгээрт, хөдөөгийн сэргэлтэд хөшүүрэг болно. Орон нутагт ажиллаж амьдарч байгаа иргэдийн орлог амжиргааны түвшинд сэргэлт болно. Хоёрдугаарт, хөгшин настай, нялх хүүхэдтэй хүмүүс, хол газар автомашинаар зорчих боломжгүй иргэд онгоцоор зорчих боломжтой болж байна. Гуравдугаарт, гадны жуулчид орон нутгийн 9 чиглэлд онгоцоор зорчоод хүссэн газраа аялж зугаалж, Монголын байгалийн үзэсгэлэнт газартай танилцах боломж бүрдэнэ.
Цаашдаа Ховд, Мөрөн, Даланзадгад нисэх буудлуулдыг олон улсын зэрэглэлтэй нисэх буудал болгоно.
Нислэгийн тийзийн үнэ 2-2.5 дахин буурснаараа ард иргэд зардал мөнгө хэмнэгдэх ач холбогдолтой. Баян-Өлгий аймаг хоёр талдаа 1 сая 700 мянгын үнийн тарифтай байгаа. Үүнийг хоёр талдаа 810-900 мянга, нэг талдаа 400-450 мянга болно. Ховд аймагт хоёр талдаа 1 сая 500 мянга байсан бол, хоёр талдаа 810-900 мянга, нэг талдаа 400-450 мянга болно. Хөвсгөл чиглэлд хааяа нэг 1 сая 500 мянгаар нисдэг байсан бол Мөрөн чиглэлд хоёр талдаа 500-680 мянга буюу билетийн үнэ 3 дахин буурсан. Улаанбаатар-Алтай-Улаанбаатар чиглэлийн нислэгийн тийзийн үнэ хоёр талдаа 733,000-852,000 төгрөг (НӨАТ ороогүй үнэ) байгаа бол нэг талдаа 366,500-426,000 төгрөгийн үнэтэй байна." гэлээ.