Нисгэгчгүй онгоцны салбарын тэргүүлэх мэргэжилтэн Денис Федутинов "Сириус" нисгэгчгүй онгоцны нислэгийн туршилт Орос улсад эхэлсэн" гэж мэдэгджээ.
Өмнө нь нийгмийн сүлжээнд хос хөдөлгүүртэй дрон нисч буй бичлэгийг нийтэлж байсан нь цохилт өгөх зориулалт бүхий "Сириус" нисэгчгүй онгоц байв. Өөрөөр хэлбэл уг төхөөрөмж бол Оросын "Кронштадт" компанийн бүтээсэн дунд өндрийн хол зайг иуулах чадвартай шинэ үеийн "Сириус" нисгэгчгүй онгоц гэдгийг мэргэжилтнүүд тодотгожээ.
"Энэ нисгэгчгүй онгоцыг бүтээх ажлыг маш хурдан хугацаанд хэрэгжүүлсэн. Мэдээжийн хэрэг, "Кронштадт"-д тэд өмнөх "Пэйсер" нисгэгчгүй онгоцны систем дээрээ түшиглэн бүтээсэн нь ойлгомжтой. Шинэ дроны хүнд хувилбар нь анх боловсруулсан хэд хэдэн дэд системийг өвлөн авсан байх магадлалтай" гэж Федутинов хэлэв.
Түүний хэлснээр, шинэ нисэгчгүй онгоц нислэгийн туршилтын үе шатнаас эхлээд олноор үйлдвэрлэх хүртэл хамгийн багадаа хоёр жил шаардагдана гэжээ.
"Сириус" нь хоёр турбо хөдөлгүүрээр ажилладаг нэлээд том дрон юм. Зарим мэдээллээр "Сириус" бол "Orion" нисгэгчгүй онгоцны хөгжүүлэлтийн үргэлжлэл бөгөөд Орионоос ялгаатай нь ердийн агаарын бөмбөг тээвэрлэж байнд хүргэх чадвартай.
Дрон 180 км/цаг хурдалж, агаарт 20 цаг байх боломжтой нэлээд хол зайн нисгэгчгүй онгоц юм. Зарим мэдээллээр энэ цохилт өгөх дрон нь өөрийн хиймэл дагуулын холбоогоор тоноглогдсон систем байх юм.
2022 оны есдүгээр сард ТАСС цэрэг-аж үйлдвэрийн цогцолборын эх сурвалжаас иш татан "Сириус" нисгэгчгүй онгоц өөрийн хиймэл дагуулын холбооны модулийг хүлээн авна гэж мэдээлсэн.
Мөн оны 8-р сард үйлдвэрлэгч "Кронштадт" компани Оросын "Орион" нисгэгчгүй онгоцны цаашдын хөгжүүлэлт болох "Сириус"-ыг туршсан гэдгээ зарлаж байсан юм.
Эх сурвалж: Лента.ру