Европын сансрын агентлаг (ESA) нь хэд хэдэн компанитай хамтран олон удаа ашиглах боломжтой сансрын пуужин, сансрын хөлөгт зориулсан технологи боловсруулах гэрээ байгуулжээ.
Тухайлбал, энэ төслийн гол хамтрагч ArianeGroup "Prometheus" пуужингийн хөдөлгүүр болон олон дахин ашиглах боломжтой "Themis" зөөвөрлөгчийн боловсруулалт хамтран ажиллах саналтай байгаа ажээ. Түүнчлэн тус "ArianeGroup"-ийн охин компани болох "MaiaSpace" нь "Ariane 6" пуужинг бүтээхээр ажиллаж байна. Энэ пуужинг тун ирээдүйтэй гэж үзэж байгаа юм.
Тэгвэл "Avio" компани нь аль хэдийн туршиж байгаа "M10" хөдөлгүүр болон дахин ашиглах боломжтой пуужингийн эхний үе шатанд зориулагдсан "M60" хөдөлгүүрийг боловсруулж байна.
SENER нь "Vega C" пуужингийн навигацийн систем болон ирээдүйн "Eris" тээвэрлэгчийн нислэгийг зогсоох систем дээр ажиллаж байна. Үүнээс гадна тус компани "Space Rider" сансрын хөлгийн буцах модулийг удирдах системийг боловсруулж байгаа юм.
"Exploration Company" нь бие даан нислэг хийх чадвартай, дахин ашиглах боломжтой, модульчлагдсан Nyx сансрын хөлгийн нислэгийн автомат горим бүтээж байна. Энэхүү хөлөг онгоцны элементүүдийг нисэгчтэй хөтөлбөрт ашиглахыг санал болгож байна.
Тавдугаар сард ESA-ийн тэргүүн Йозеф Ашбахер “El Pais” сонинд ярилцлага өгөхдөө, Европ Оростой сансрын хамтын ажиллагаагаа зогсоох шийдвэр тийм ч амар байгаагүй гэж мэдэгдэж байсан юм.
Эх сурвалж:Лента. ру