Үндэсний номын баярыг ирэх тавдугаар сарын 27, 28-нд Сүхбаатарын талбайд зохион байгуулахаар болжээ. Энэ удаагийн номын баярыг шинэлэг түвшинд зохион байгуулахаар төлөвлөж байгаа гэдгийг албаныхан онцолсон байна. Тодруулбал, Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч З.Төмөртөмөө өөрийн цахим хуудсандаа, ""Номын баяр 2023" тавдугаар сарын 27, 28-нд Сүхбаатарын талбайд болно. Энэ жилийн номын баярыг шинэлэг түвшинд хийхээр төлөвлөж байна" хэмээн нийтэлсэн байна.
Номын баяраар зохиолч, орчуулагч, судлаач, ном эрхлэн гаргагч газруудын бүтээлүүдийг хямдралтайгаар авч, зохиолчоос нь гарын үсэгтэйгээр худалдан авах боломжтой байдаг. Мөн ховор хуучин номын худалдаа болдог гэдгээрээ онцлогтой юм.
Т.СОЁЛ
