Твиттерийн гүйцэтгэх захирал Илон Маск платформын таних тэмдэг болсон цэнхэр шувууг DOGE коины бэлгэ тэмдэг болсон Шиба Ину үүлдрийн нохойн зургаар сольжээ.
Илон Маскийн зүгээс даваа гарагийн үдээс хойш өөрчлөлтийн тухай мэдэгдэж, “амласан ёсоороо” хэмээн жиргэсэн байна. Харин түүний юун учир тийн жиргэх болсныг тодруулахад Илон Маскт жилийн өмнө нэгэн хүн “зүгээр л Твиттерийг худалдаж аваад шувууны логог нь Doge коины логогоор сольчих л доо” хэмээн зөвлөж байжээ.
Одоогийн байдлаар нохойн зураг хэр хугацаанд шувууны логоны оронд байрлах талаар ямар нэг тодорхой мэдээлэл үгүй юм.
Үйл явдлын хүрээнд Твиттерийн өөрчлөлт DOGE коины ханшид ихээр нөлөөлсөн бөгөөд сүүлийн 24 цаг гаруйн хугацаанд даруй 20 гаруй хувиар өсжээ.