Цагдаагийн ерөнхий газрын Хэвлэл мэдээллийн төвөөс "Чи ганцаараа биш" гэсэн нөлөөллийн ажлыг эхлүүлсэн байгаа билээ. Тэгвэл нөлөөллийн ажилдаа тэргэнцэртэй охины постор гаргасан нь зарим нэгэнд хүндээр тусчээ. Тухайлбал, хуульч өмгөөлөгч Р.Булгамаа дараах посторыг мэдрэмжгүй байна хэмээн шүүмжилжээ. Тэрбээр "Яагаад ийм мэдрэмжгүй пост хийж явуулдаг юм бэ. Уг нь бэлгийн хүчирхийллээс урьдчилан сэргийлэх ажил юм шиг байгаа юм. Санаа нь зөв. Даанч хүний эрхийн мэдрэмжгүй, хөгжлийн бэрхшээлтэй иргэний эрхийг зөрчсөн шинжтэй.
Заавал яагаад хөгжлийн бэрхшээлтэй хүүхдийг жишээ болгов. Олон ээжүүд, гэр бүлд энэ зурагт постор сэтгэл эмзэглэм тусаж байна. Бас л нэг төслийн хүрээнд шаардлага биелүүлж хийж байгаа ажил байх даа. Хүнийг гэмт халдлагаас урьдчилан сэргийлэх тухай ойлголт мэдээллийг өгөхдөө ийм хүний эрхийн мэдрэмжгүй байж хэрхэвч болохгүй ээ" гэсэн байна.
