МУГЖ Ж.Алтанцэцэгийг Богдхан уулын дархан цаазат газрын Төрхурахын аманд 4,043 га газар эзэмшдэг гэсэн мэдээллийг News.mn сайт гаргасан байсан. Энэ мэдээллийн мөрөөр түүнтэй холбогдож тодруулахад дээрх мэдээллийг үгүйсгэлээ.
Тэрбээр "Худлаа мэдээлэл гарсан байна. Би яахаараа Төрхурахын аманд газар эзэмшдэг юм болоо. Би Налайхын харьяат хүн. Налайхад газар эзэмшдэг гэсэн бол зуслангийн байшин байгаа шүү дээ. Ямар зорилготой ийм мэдээлэл цацдаг юм бол. Миний нэр төрд халдаж доромжилж байна. Ямар үндэслэлээр ийм мэдээлэл гаргаж тавьсныг цагдаад өгч шалгуулна. Хүнийг ингэж гүтгэж болохгүй. БОАЖЯ-нд өргөдөл өгч газартай эсэхээ ч шалгуулна" гэлээ.
